Voy a pasármelo bien (David Serrano)
Komedia | Musikala
Valladolid, 1989ko iraila. Davidek eta Laylak OHOko zortzigarren ikasturtea hasi berri dute eta Hombres G musika taldearen zale amorratuak dira. Horrez gain ere, oso gustoko dute elkar, baina Davidi lagunek horren aholku txarrak ematen dizkiotenez, laguna konkistatzeko egiten dituen gauza guztiak porrota izan ohi dira beti. Hala eta guztiz ere, biak banaezin bihurtzen dira; batzuetan, euren talde gogokoenaren kantatzeko eta dantzatzeko bulkada hain da indartsua, non kale erdian egiten hasten diren. Eta hori ondo pasatzen ari direlako da. Oso ondo.
Valladolid. Hogeita hamar urte pasatxo geroago. Davidek eta Laylak ez dute elkar berriro ikusi laurogeiko hamarkadaren amaieratik, baina ez dute inoiz elkar ahaztu. Laylari gauzak, arlo profesionalean behintzat, ezin hobeto joan zaizkio: zinema zuzendaria da eta Oscar bat irabazi du. Daviden bizitza, aldiz, normalagoa izan da eta ez da ospetsua eta ez du saririk irabazi. Layla hirira itzuli da omenaldi bat jasotzera eta biek astebete igaroko dute elkarrekin.
.
.
Beast (Baltasar Kormákur)
Thriller | Afrika | Animaliak
Nate Samuels doktorea, duela gutxi alargundu dena, Hegoafrikara itzuli da, emaztea ezagutzea ahalbidetu zion leku berera, bere alabekin abere-erreserba bat bisitatzera. Baina erlaxatzeko helburuarekin abiatutako bidaia hori, biziraupenerako borrokan bilakatuko da, lehoi bat, isileko ehiztariengandik ihesi doana, atzetik jarraika hasiko zaienean.
.
.
Por los pelos (Nacho G. Velilla)
Komedia |
Burusoil geratzea trauma da oraindik gizon askorentzat. Juanjo, Sebas eta Rayco dira, besteak beste, alopeziak autoestimuaren beherakada nola dakarren erakusten duten hiru adibide.
Alopeziak ez du gizarte-mailaketarik bereizten, baina haren aurkako konponbideak bai. Izan ere, orain arte askorentzat pentsaezina zena, eskuragarri bilakatu du Turkiak sustatu duen ile-turismo low cost ereduak. Burusoilen mana berria bihurtzeraino.
.
.
Mack & Rita (Katie Aselton)
Komedia | Fantasia
Mackenzie protagonistak 30 urte ditu, eta nekatuta dago aurrera ateratzeko egin behar dituen lan guztiak egiteaz. Bere desiorik sakonena 60tik gorako erretiratua izatea da, atseden hartu, erlaxatu eta artilezko jertse on bat jantzi ahal izateko. Baina gertaera bitxi baten ondoren, bere ametsa bete eta RITA bihurtuko da, 65 urteko emakume bat; Mackek jakingo du, orduan, zahartzaroa ez dela zehazki berak uste zuena.
.
.
Caribe, todo incluído (Miguel Ángel García de la Calera)
Komedia |
Alizia (Hiba Abouk) bere betiko mutil-lagunak (Alejo Sauras) engainatzen du, eta Punta Canan amaitzen du, bere lagunik onenak (Cristina Castaño) gonbidatuta, bere lagun ohiaz ahazteko. Bestalde, bere mutil-lagun ohiaren (Marc Clotet) bazkideak ere Punta Canan amaituko du, bazkideak lapurtutako balio handiko harri baten bila. Han, hainbat pertsonaiarekin egingo dute topo: hoteleko langile gozoak, eskrupulurik gabeko poliziak, haur mutuak, eta alargun bat, haragizko poztasunen bila.
