Albisteak

New Directors saileko hamahiru filmak aurkeztu ditu Zinemaldiak

Jose Luis Rebordinos Donostia Zinemaldiko zuzendariak eta Ainhoa Arruabarrena Kutxabankeko Gipuzkoa Sareko zuzendariak agerraldia egin dute gaur hedabideen aurrean irailaren 17tik 25era luzatuko den 69. Zinemaldiko Kutxabank – New Directors saila aurkezteko. Hamahiru izango dira bertan lehiatuko diren nazioarteko filmak, zinemagile gazteen bederatzi opera prima eta beste lau bigarren luze.

Egilea |2021-07-28T12:51:00+02:0028 uztaila, 2021|

David Lynchen mundura hurbilketa, BilbaoArteren eskutik

BilbaoArteko Art House Zinemak David Lynch sortzaile deskribaezinari eskainitako Amesgaiztoen ameslaria zikloa proiektatuko du abuztutik urrira. Zinemagile estatubatuarraren bost film labur eta bederatzi luze izango dira ikusgai, jatorrizko bertsioan eta bina emanalditan. Sarrera doakoa izango da, baina lagun bakoitzak bi eserleku erreserbatu ahal izango ditu gehienez.

Egilea |2021-07-28T10:21:18+02:0028 uztaila, 2021|

Mikel Gurrearen ‘Heltzear’, Veneziako Zinemaldian

Irailaren 1etik 11ra luzatuko den Veneziako 78. Zinemaldian lehiatzeko hautatu dute Mikel Gurrea zinemagile donostiarraren Heltzear laburra. 2000. urteko Donostian, euskal gatazka aktiboaren testuinguruan, girotutako filma aurtengo Kimuak katalogoko zortzi lanen artean dago, eta Venezian parte hartzen duen euskarazko lehen ekoizpena izango da.

Egilea |2021-07-27T09:48:59+02:0027 uztaila, 2021|

‘Dardara’ eta ‘Ane’ laudatuak, bihar Seguran

Berri Txarrak taldearen azken bira ardatz duen Marina Lameiroren Dardara dokumentala eta iragan Goya sarietan hiru garaikur erdietsi zituen David P. Sañudoren Ane drama eskainiko dituzte bihar, uztailak 27, asteartea, 19:00etatik aurrera Segurako Laiotz Herri Eskolan. Sarrerak eskuragai daude herriko liburutegian eta udaletxean.

Egilea |2021-07-26T11:00:37+02:0026 uztaila, 2021|

LABIk ezarritako murrizketa berriak gaitzetsi ditu EZAEk

Gaurtik, uztailak 26, indarrean dira Covid19aren pandemiaren hedatzeari aurre egiteko ostalaritzari eta kultur ekitaldiei lotuta, LABIk ezarritako murrizketa neurri berriak, eta aretoen edukiera % 35era mugatzeak Euskadiko areto ugari ixtera behartuko dituela salatu du EZAE Euskadiko Zinema Aretoen Elkarteak. Horregatik, orain arteko baldintzak mantentzeko eskatu diote Jaurlaritzari.

Egilea |2021-07-26T11:01:02+02:0026 uztaila, 2021|

Zinemaren historiako hamar jantzi ikoniko, Errenterian ikusgai

Errenteriako Jantziaren Zentroak prestatutako Argiak, kamera, moda! erakusketa berria bisitatzeko aukera izango da Kapitain Etxean irail amaierara arte. Film zehatz baterako sortu zituzten eta modaren historian mugarri bilakatutako hamar jantzirekin osatu dute bilduma, tartean, Gone with the Wind (Victor Fleming, 1939) eta Pretty Woman (Garry Marshall, 1990) filmetako protagonisten soinekoekin.

Egilea |2021-07-23T12:28:37+02:0023 uztaila, 2021|

Arkitektura eta zinema uztartzen dituen zikloa, gaurtik irailera Donostian

Euskadiko Arkitektura Insitituaren, EHUko Arkitektura Goi Eskola Teknikoaren eta Elias Querejeta Zine Eskolaren ekimenez, udako I-go zinemara zikloa abiatuko dute gaur, uztailak 23, Jean Luc Godarden Le Mèpris (1963) filmarekin. Donostian egoitza duen Institutuko terrazan egingo dituzte zortzi filmen emanaldiak, ostiraletan, 22:00etan.

Egilea |2021-07-23T10:35:25+02:0023 uztaila, 2021|

TCM telebista kateak Zinemaldiko Gazteriaren saria babestuko du

TCM telebista katearen eta Donostia Zinemaldiaren arteko lankidetzak indarrean jarraituko du beste urte batez. Hala, New Directors saileko film guztien eta Horizontes Latinos saileko sortzaileen lehen ala bigarren film luzeen artean, Gazteriaren TCM saria banatuko dute gazte epaimahaikideek. TCMk garaikurra babesten duen hirugarren urtea izango da.

Egilea |2021-07-22T10:58:48+02:0022 uztaila, 2021|
Go to Top