Gipuzkoako lurralde osoko filmatzeetarako zerbitzua ahalbidetzeko bulegoa sortu ondorengo lehen urtean, 87 filmatze bideratu zituen hiriburuan eta lurraldeko herri ezberdinetan San Sebastian-Gipuzkoa Film Commisionek. 2019 urtea ere “urte historikoa” izango dela iragarri dute, 8,8 milioi eurotik gorako zuzeneko inbertsioarekin.
Haizearen egia filmaren grabaketa lanak abiatu zituen abuztuan Ekain Albite zumaiarrak. Taharren istorioa kontatzen du laburrak, umetan Euskal Herrira ikastera etorri eta bertan bizitzen geratu zen gaztetxo sahararra.
Miren Gorrotxategi azpeitiarraren 33 ezkil eleberriaren zinemarako egokitzapena filmatuko du Imanol Rayo zinemagileak: Hil kanpaiak. Euskara izango da Itziar Ituño eta Eneko Sagardoy protagonista dituen film honen hizkuntza nagusia.
Gaur hasi da Andoainen Maluta* films ekoizpen etxearen Rikardo Arregi, iraultzailearen presak fikziozko film laburraren errodajea. Igandera arte luzatuko dira filmatze lanak, Andoainen eta Usurbilen.
Esther Ferrer artistaren sorkuntza lanari buruzko dokumentala amaitzen ari da Josu Rekalde, EHUko Arte Ederren Fakultateko irakaslea. BBVAren Multiverso beka jaso du proiektuaren garapenerako.
Un Otoño sin Berlin lanak izandako arrakastaren ostean, NORA bigarren proiektu luzea grabatuko du abuztua eta irailean zehar Lara Izagirre zinemagile zornotzarrak.
Donostiako Maria Cristina hotelaren inguruetan errodatzen arituko da egunotan Woody Allen zinemagile estatubatuarra. Hainbat bide aldaketa eta kale mozketa eragingo ditu ostiralera bitarteko epean.
Gaurtik aurrera, bere film berria grabatzen arituko da Woody Allen zinemagile estatubatuarra, Donostian. Proiektuaren inguruko xehetasun gutxi batzuk eman zituen atzo, filma ekoitziko duen Mediapro etxeko Jaume Roures ekoizlearekin eta aktore taldearekin batera, Kursaalean egin zuen agerraldian.
Sona handiko hiru ikus-entzunezkoen filmatze lanak hartu ditu Gipuzkoako lurraldeak azken hilabetean: HBOren Patria, Mariano Barrosoren La linea invisible eta Pablo Agüero argentinarraren Akelarre. “Ikus-entzunezko bikaintasuneko lurraldea” izendatu du San Sebastian-Gipuzkoa Film Commission erakundeak.
2 urte, 4 hilabete izeneko dokumentalaren errodajearen azken fasea diruz laguntzeko crowdfunding kanpaina abiarazi dute. Intsumisioaren inguruko gogoeta egiteko bidea, eta, halaber, egungo gazteek soldaduskara joan behar ez izatea erraztu zuten intsumiso horiei eskerrak emateko modua izango da proiektua.
