Hamabosgarrenez, musika eta zinema eskutik helduta iritsiko dira hirira Dock of the Bay Musika Dokumentalen Donostiako Jaialdiaren aitzakiapean. Udaberri bete-betean ospatuko dute aurten, aurrenekoz, eta dagoeneko, kartela, epaimahaikideak eta jarduera paraleloak aurreratu dituzte.
ICOFF Gasteiz film laburrei eskainitako nazioarteko zinemaldi sortu berriak lehenengo edizioko kartela aurkeztu du. Hirian girotuta dago, eta Nerea lekuona eta Puy San Martin ilustratzaileek diseinatu dute.
Irati film luzearen teaser kartela aurkeztu berri du Paul Urkijo zuzendariak. Euskal Mitologian oinarritutako “proiektu epiko bat” izango da, historia, ezpaten borrokak, eta paisaia naturalak nahastuko dituena. 2022ko udazkenean estreinatu nahi dute lana.
Aurrerantzean Alaitz Arenzana artista bilbotarra izango da zuzendaria, festibal bilbotarrak izan duen lehenengo emakumezkoa. Bestalde, Bilboko Gaylesbotrans Nazioarteko Zinema eta Arte Eszenikoen 19. Jaialdiko kartela aurkeztu du ZINEGOAK elkarteak gaur, Bilbon. 2022ko irudiak “lesbianismoa eta sexu-aniztasuna euskaraz izendatzeko moduei” egiten die erreferentzia, eta Lander Telletxea diseinatzaileak sortu du.
ZINEBI Bilboko Dokumentalen eta Film Laburren Nazioarteko Jaialdiaren aurtengo ekitaldia azaroan egingo dute, 12tik 19ra, eta Rebeka Arce artista bilbotarrak osatu du 63. edizioaren irudia. Diseinatzaile eta arte-zuzendariak fikziozko banderak sortu ditu “ez-lekuak irudikatzeko”, konfinamendu garaian bizitakoak gogoan.
Karlisten eta liberalen arteko borroka-eremua izan zen Serantes mendia azalduko da, lehen aldiz, Santurtziko Film Laburren Jaialdiaren irudian. Satomi Hosobuchi modelo japoniarra da aurkeztu berri duten kartelaren protagonista.
Donosskino – Donostiako Film Laburren Festibalaren lehen zertzeladak aurkeztu dituzte jaialdiaren arduradunek. Datorren urriaren 5etik 9ra bitartean ospatuko da, eta Ridley Scottek zuzendutako ALIEN (1979) filmari egingo dio gorazarre.
Icíar Bollaín zinemagilearen 11. film luzea izango den Maixabel datorren irailaren 24an estreinatuko dute Hego Euskal Herriko zinema aretoetan, eta itxaronaldia arintzeko, ikus-entzunezkoaren kartela aurkeztu dute. Maixabel Lasa bere senarra zen Juan Mari Jauregiren hiltzailearekin izandako elkarrizketak ditu abiapuntu lanak.
Donostiako Club Vasco de Camping elkarteak antolatutako CVCEPHOTO mendiko jardueraren nazioarteko argazki lehiaketaren bosgarren ediziora aurkeztutako lanen artean Jan Zahula txekiarraren The Edge of Guillotine irudia hautatu dute 2021eko BBK Mendi Film Bilbao-Bizkaia jaialdiko kartelerako. Lehiaketa bidez aukeratzen den bosgarren urtea da.
Dock of the Bay – Musika Dokumentalen Donostiako Jaialdiak aurtengo edizioaren kartela aurkeztu berri du. Horrekin batera, 2021eko ekainaren 7tik 12ra ospatuko den erakustaldiaren lehen zertzeladak aurreratu dituzte.
