Donostia hiriarentzat iraila da, zinemaren ikuspegitik, urteko hilabeterik bereziena, eta hilaren 17tik aurrera, Zinemaldia abiatu orduko, ohiko programazioa bigarren mailan geratuko denez, Tabakalerak hainbat saio atondu ditu lehen bi asteetarako. Besteak beste, 69. Donostia Zinemaldiko Ohorezko Saria jasoko duten Marion Cotillard eta Johnny Depp aktoreen film bana proiektatuko dute jaialdia abiatu aurretik, Zinemaldia + Plus programan.