2022ko zinema eskaintzaren berri eman du Tabakalerak. Urtarrilaren 1etik abenduaren 31ra bitartean, pantaila publiko partekatuko erakundeek –Donostia Kultura, Donostia Zinemaldia, Euskadiko Filmategia, Elías Querejeta Zine Eskola eta Tabakalera– programatuko dituzten zikloak jakinarazi ditu. Urte berrirako zinema-bonua abenduaren 22tik aurrera egongo da salgai.
Donostia Zinemaldiak, Kutxa Fundazioak eta Elías Querejeta Zine Eskolak (EQZE) Zinemaldia trantsizioan: Donostia Zinemaldia aldaketaren urteetan (1976-1985) erakusketa inauguratu berri dute. Tabakalera zentroko laugarren solairuan dago kokatua, Kutxa Kultur Plazan, eta 2022ko otsailaren 20ra arte egongo da ikusgai.
Elías Querejeta Zine Eskolak esploraziorako, gogoeta kritikoa bultzatzeko, berrikuntzarako eta jakintzaren transmisiorako zentroa bilakatu nahi du. Hala, bere ikerkuntza ekoizpena sustatuko duten lau proiektu berri aurkeztu ditu: Pedagogia eta zinemagintzaren transmisioa; artxiboaren, komisariotzaren eta sorkuntza zinematografikoaren inguruko teoria eta teknika berritzaileak; zinemaren eta beste diziplina zientifiko, humanistiko eta estetiko batzuen arteko lotura; eta euskal zinemaren begirada berriak jorratuko dituzte 2018-2019 ikasturteko ikasle zein irakasleek.
Publikoari irekitako “artxibo bizi bat” izango da Donostia Zinemaldiaren 70. urteurrenaren egitasmo nagusia. EQZErekin, Tabakalerarekin eta Euskadiko Filmategiarekin elkarlanean egindako ikerketa eta komisariotza lanaren emaitza izango da, eta gaur goizean aurkeztu dute agerraldi jendetsu batean.
