Covid-19aren pandemiak ikus-entzunezko industria europarrean izan ditzakeen eraginak aztertzeko hitzordua barneratuko du aurten Donostia Zinemaldiak. European Film Forum jardunaldiak irailaren 22an (asteartean) egingo dituzte, eta saioak streaming bidez jarraitu ahalko dira Zinemaldiaren webgunean. 15:00etatik 16:45era bitartean izango dira solasaldiak.
NIFF – Nafarroako Nazioarteko Zinema Jaialdiaren bigarren edizioaren azken xehetasunak aurkeztu berri dituzte antolatzaileek. Meliton Estudioen, La Caixa taldearen gizarte ekintzaren eta Caja Navarra Fundazioaren ekimenez, 2020ko irailaren 3tik 5era egingo dute, eta zinema soziala izango du aurtengo hitzorduak ardatz. Guztira, 1000 minutu baino gehiago programatu eta 27 herrialdetako 36 film proiektatuko dituzte. Koronabirusaren pandemiak eragindako egoeraren ondorioz, gainera, jaialdiak egitarau ia osoa eskainiko du
Martxoaren 9tik apirilaren 8ra bitartean zen Euskarazko film laburren XVII. zirkuitu ibiltaria ospatzekoa, baina COVID-19 birusaren ondorioz bertan behera geratu ostean, Hernaniko Biteri Kultur Etxean berrekingo diote gaur 2020ko Laburbirari, 18:30ean. Zabala, inklusiboa eta euskalduna izango da, eta 9 film labur proiektatuko dituzte, guztiak 2018tik 2020ra bitartean egindakoak.
