Bilboko Zinegoak – Gaylesbotrans Nazioarteko Zinema eta Arte Eszenikoen 18. Jaialdiko filmen lagin bat izango da ikusgai Donostian, ZINEGOAK HEDAPENA programari esker. Apirilaren 12an, 13an eta 14an egingo dituzte saioak.
Let there be light (Nech je svetlo) film eslovakiarra gailendu da Bilboko Zinegoak jaialdiko 17. edizioan. Marko Škopek zuzendutako lanak FIK saileko errekonozimendu gorena jasotzeaz gain Zinegoak 2020 Sari Nagusia irabazi du. DOK sailean Nicole Costa txiletarraren El viaje de Monalisa eta KRAK atalean Jessie Jeffrey Dunn Rovinelliren So Pretty nabarmendu dituzte epaimahaikideek. Mi pequeño gran samurai film laburra saritu du publikoak.
Zazpi fikziozko pelikula eta dokumental hautatu dituzte Zinegoak jaialdiaren sail ofizialeko KRAK kategoriarako, eta gai ugariak izango dira nagusi. Haien artean, Errumaniako edo Frantziako lanak daude, guztiak jatorrizko bertsioan, eta gaztelaniaz eta ingelesez egongo dira azpititulatuta.
Sail ofizialeko DOK kategoriarako zazpi film hautatu ditu Zinegoak jaialdiak, eta beste gaien artean, pertsona transexualen errealitate desberdinak irudikatuko dituzte. Dokumental hauek hainbat herrialdeetakoak dira, eta jatorrizko bertsioan proiektatuko dituzte, gaztelaniazko eta ingelesezko azpitituluekin.
