Donostia Zinemaldiak eta Elías Querejeta Zine Eskolak (EQZE) Gipuzkoako Foru Aldundiaren bultzadarekin antolatutako Zine-jaialdiei buruzko begirada kritikoak: historia, kultura eta politika ikastaroa online bidez ere jarraitzeko aukera egongo da. EHUren Udako Ikastaroen 2020ko programaren parte da, eta aurrez aurre bertaratzeko izen-emate kopurua bete egin denez, antolatzaileek saioak streaming bidez jarraitzeko deialdia ireki dute. Ikastaroa irailaren 1etik 3ra artean egingo da.