ZINE: ikerketa zinematografikorako koadernoak aldizkariaren hirugarren alearen jendaurreko aurkezpena egingo dute Beñat Sarasola eta Maialen Beloki egileek. Bertan, Koldo Izagirre eta Antxon Ezeizaren lana izan dute abiapuntu, eta hain zuzen ere, lehenak idatzi eta bigarrenak zuzendutako filma eskainiko dute, Donostia Zinemaldiaren sail ofizialean lehiatu den lehen euskarazko filma.
ZINE: ikerketa zinematografikorako koadernoak aldizkariaren argitalpen berriak Euskal Herriko testuinguru politiko-kulturalean Trantsizioak eragindako desengainuaren kontzeptua du aztergai, bi sortzaileren obrak abiapuntu. Ikerketaren jendaurreko aurkezpena urrian egingo da, Donostiako Tabakaleran, eta Ezeizak zuzendu eta Izagirrerekin batera idatzitako Ke arteko egunak (1989) pantailaratuko dute.
ZINE: ikerketa zinematografikorako koadernoak aldizkariaren bigarren zenbakia aurkeztuko dute bihar, azaroak 26, Roy Murray zinema ikertzaileak, Arantza Santesteban zinemagile eta ikerlariak, eta Pablo La Parra Elías Querejeta Zine Eskolako Ikerkuntza Sailaren arduradunak, Tabakaleran. Ostean, frankismoaren aurkako borrokan euskal emakumeek izan zuten protagonismoa ardatz duten Les mères espagnoles eta La marche des femmes à Hendaye filmak proiektatuko dituzte. Bi lanak Carole Roussopoulosek eta Ioana Wiederrek 1975ean zuzendu zituzten.
