Aitor Gabilondok, Xabier Berzosak, Laura Sarmiento eta EITBko eta Tabakalerako ordezkariek osatutako balorazio batzorde batek hautatu ditu 2deo serieak 2022 deialdiaren baitan garatuko dituzten hiru proiektuak: Lander Castroren eta Igor Garciaren Agur, terrorista, Ana Urquijo Fabeiroren Anomaly eta Asier Urbieta San Martinen Eneko.
Moriarti ekoiztetxe gipuzkoarrak AEBetako The Gotham Group agentziako manager batekin hitzarmena egin duela eman du aditzera Xabier Berzosa ekoizleak, etorkizuneko proiektuak bertan zabaldu ahal izateko. 25 urteko ibilbidea duen zuzendaritza eta ekoizpen agentzia da, eta ekoizle gisa The Spiderwick Chronicles (Mark Walters, 2008), Wes Ballek gidatutako The Maze Runner saga eta Stargirl (Julia Hart, 2020) filmak osatu dituzte.
Ekainaren 20tik 26ra bitartean antolatu dute Different! L’autre Cinéma Espagnol jaialdia Parisen. 11.edizioa izango da aurtengoa, eta Jon Garaño eta Aitor Arregiren Handia euskal filmak emango dio hasiera egitarauari.
Bilboko Euskal Museoak Euskal Zinemagintza izango du hizpide aste honetarako prestatu dituen bi saio berezietan. Handia filma izango da ardatz 'Goya Sarien mailako euskal zinemagintza' izena jasoko duten hitzaldi hauetan. Eneko Sagardoy eta Aia Kruse aktoreak, eta Xabier Berzosa ekoizlea izango dira bertaratu eta saioak gidatuko dituzten gonbidatu bereziak. Gaur eta bihar, martxoaren 14an eta 15ean, egingo dituzte jardunaldiak, arratsaldeko 19:00etan. Lehenego egunekoa euskaraz egingo
Gipuzkoako Foru Aldundiak euskararen alorrean urtero ematen duen Anton Abbadia saria Moriarti Produkzioak ekoizpen etxeak jaso du aurtengoan, “euskal zinema nazioartean ezagutarazteko egindako lanagatik”. Sari banaketa ekitaldia atzo, abenduak 1, egin zuten, Gipuzkoako Foru Aldundiaren Jauregian, eta aurtengo tematika jarraituz, zinema areto klasiko bilakatu zuten espazioa. Ekitaldi eder eta hunkigarria izan zen, saridunen lankide eta senidez jositako gonbidatuen parte-hartzearekin.
“Euskal zinema nazioartean ezagutarazteko egindako lanagatik” sarituko dutela azpimarratu du Gizpukoako Aldundiak. Sari hau euskararen alorrean egindako lanagatik banatzen dute. Loreak, 80 egunean, eta berehala zinema aretoetara helduko den Aundiya bezalako proiektuen atzean dago Moriarti, eta Jon Garaño, Xabier Berzosa, Aitor Arregi, Jose Mari Goenaga, Asier Acha eta Jorge Gil Munarrizek osatzen dute. “Behin eta berriro erakutsi dute euskaraz eta baliabide mugatuekin ikus-ntzunezko produktu duinak
63. Donostia Zinemaldiaren atarian, baina baita jaialdian bertan ere, hizkuntza ez hegemonikoetan egindako zinemari buruzko bi saio egingo dituzte; lehena ostegun honetan izango da, irailak 17, San Telmo Museoan, eta bigarrena ikus-entzunezko industriako profesionalei zuzenduta egongo da, Kursaaleko Industry Cluben, hilaren 21ean.
63. Donostia Zinemaldia abiatu aurretik, Donostiako San Telmo Museoan Zinema-ideiak eta Zinema ideiaduna zikloa egingo dute bigarrenez. Orotara hiru mahai-inguru izango dira, eta besteak beste, Harkaitz Cano, Danele Sarriugarte, Jose Luis Rebordinos eta Joxean Fernandez adituek hartuko dute parte.
http://youtu.be/t40LbH9MUBM Zinemaldia zaletuentzat ez ezik, zinemaren alorreko profesionalentzat ere bada interesgarria. Xabier Berzosa ekoizleak nola bizi duen Zinemaldia kontatu dio Zinea.eu-ri.
