Joan zen urteko bi film arrakastatsurekin osatutako proiekzio saio bikoitza ondo du Bilboko Fas zineklubak gaur arratsalderako. Agnès Varda zinegile frantsesak eta JR argazkilari gazteak sortutako Visages, villages izango dugu alde batetik; eta, bestetik, Aitzol Saratxaga euskal zuzendariak sinatutako Ziren film laburra. El Carmen aretoan egingo dute saioa, 19:45ean.