Bilboko Udalak hogei bat filmez osatutako programazioa prestatu du udako gau luzeak girotzeko. Bihar, uztailak 13, abiatuko dute Udan zinema zure auzoan zikloa Arriaga plazan, eta abuztuaren 11ra bitarte, hogei film inguru eskainiko dituzte hiriko hainbat plaza eta parketan. Emanaldiak kanpoan izango dira, eta doan.
Iaz Donostiako Fantasiazko eta Beldurrezko Zinemaren Astean eskaini zuten Roberto San Sebastiánen La noche del virgen (2016) eta Sitgesko Zinema Fantastikoaren Nazioarteko Jaialdian izan zen Haritz Zubillagaren El ataúd de cristal (2016) beldurrezko ekoizpenak Bilboko Zinema Fantastikoaren 23. Fant Jaialdiko Sail Ofizialean lehiatuko dira, AEBtako, Mexikoko, Kanadako, Hego Koreako eta Finlandiako filmen aurka, besteak beste. Film laburren kategorian, gainera, 21 laburretik 11 euskal ekoizpenak izango dira.
Mondragon Unibertsitateko HUHEZI fakultateko ikasleek antolatzen duten HUHEZINEMA film laburren jaialdiak hamargarren urteurrena ospatuko du aurtengoan, eta zifra borobilarekin jarraituz, hamar izango dira jaialdiko Sail Ofizialean aurkeztuko dituzten lanak ere. Parte-hartzea oso zabala izan dela azpimarratu dute antolatzaileek, eta horregatik, beste hamahiru lan eskainiko dituzte lehiaketaz kanpo.
Ulises (Aitor Gutiérrez), Hileta (Kepa Sojo), Gure hormek (Las chicas de Pasaik) eta Anónimo (Ivan Sokolov) eskainiko dituzte Sopelan urtarrilaren 13an, ostirala, Laburrean III. Film Laburren Topaketan. Emanaldia doakoa izango da, baina gonbidapena eskuratu beharko da aurretik.
Zinebi Bilboko Dokumental eta Film Laburren Jaialdiaren 58. edizioa azaroaren 18tik 25era luzatuko da, eta Sail Ofizialean 71 film ikusteko aukera izango da, horien artean sei euskal ekoizpenak. Ohorezko Mikeldi sariak Jaime Chávarri zinegile eta gidoigile madrildarrak eta Bahman Ghobadi zinegile kurdu-iraniarrak jasoko dituzte.
