Fermin Muguruza artista irundarrak zuzendutako Beltza naiz (2018) dokumentala proiektatuko dute gaur Gasteizko Oihaneder Euskararen Etxean. Saioa 19:00etan izango da, eta kulturguneak udarako prestatu duen Udatea, egarria asetzeko kultur edatea programaren baitan emango dute.
Oihaneder Euskararen Etxeak 2020ko udarako prestatu duen egitarauaren berri eman du. Koronabirusaren pandemiaren ondorioz lau hilabetetako etenaldia izan du Gasteizko zentroak eta martxari berrekiteko Udatea, egarria asetzeko kultur edatea izeneko urtaroko programazio berezia eskainiko du. Ikus-entzunezkoei dagokienez, musikari buruzko filmak eta Erroak dokumentalaren trailerra proiektatuko dituzte.
