Uztaileko astelehenak zinemari buruzko solasaldiek girotuko dituzte Donostian. Izan ere, Kresala Zineklubak “pandemia ostean zinemak bizi duen egoera” aztertzeko topaketak antolatuko ditu Tabakalerako Kutxa Kultur gunean. Astelehenero euskal zinema industriako profesionalek hartuko dute hitza, eta ostean, ohiko proiekzioetarako tartea eskainiko dute.
Udako Zinema Zikloa estreinatu dute lehen aldiz Ean. Uztailean hasi eta abuztuaren 29ra arte zortzi film izan dituzte aukeran Eskolondora hurbildu diren zinemazale zein bestelako kuxkuxeroek. Bihar egingo dute azken saioa, Girlhood (2014), 20:30etik aurrera.
Uztailaren 15etik irailaren 1era udako zikloa egingo dute Iruñeko Golem Yamaguchi zinemetan. Jatorrizko hizkuntzan eta azpitituluekin eskainiko dituzte filmak, tartean, iazko Donostia Zinemaldian ikusgai izan ziren Hou Hsiao-Hsienen The Assassin eta Duke Johnsonen eta Charlie Kaufmanen Anomalisa, zein Joshua Oppenheimeren The Look of Silence.
