Bilbo zein Iruñeko GOLEM exibidoreek areto bat eskainiko diete, uztailean eta abuztuan zehar, denboraldian zehar estreinatu diren eta pantaila handian eta jatorrizko bertsioan berriz ikusteko aukera merezi duten film interesgarrienei. Guztira 24 titulu jatorrizko bertsioan azpitituluekin, hirunaka txandakatuz joango direnak, sei egunean behin, ordutegi desberdinetan.
Gaur, uztailak 22, hasi eta datorren asteartera arte, uztailak 27, Telmo Esnal zinemagilearen proiektu berriena, kontzientzian eta itsasoan sakontzen duen Urtzen collage zinematografikoa, eskainiko dute Iruñeko Golem Yamaguchi zinemetan, Udako Golem programazioaren baitan. Bilbon, aldiz, abuztuan izango da ikusgai.
Ohiko zinema programazioa osatzeko asmoz, Udako Golem zikloaren ekitaldi berria atondu dute uztailaren 9tik irailaren 2ra Bilboko Azkuna Zentroan. 27 proiektu bilduko ditu orotara, tartean 10 estreinaldi, eta zinema aretoetara itzuliko diren zortzi film; baita lau dokumental eta Krysztof Kieslowski zinemagile poloniarraren filmografiaren errepaso laburra ere.
