Donostiako Bagera Elkartearen Zineforumaren baitan, bi euskal film labur eskainiko dituzte bihar (apirilak 27) Lugaritz Kultur Elkartean: Tenpraren guarpena (Idoia Lahidalga Baglietto eta Oihane Puertas Ramirez, 2021) eta Araxesen gainetik, Malloen azpitik (Arantxa Mikeo, 2021). Proiekzioen ostean, solasaldia egingo dute bi film laburren zuzendariekin.
Aste Santua tarteko, ohi baino egitarau xumeagoa atondu dute Kresala Zineklub donostiarreko lagunek apirilerako. Atera agendak eta gorde datozen asteetarako hitzordu berriak.
Idoia Lahidalga eibartarrak eta Oihane Puertas lasartearrak Erronkaribarko emakumeen bizipenak jasotzen dituen Tenpraren guarpena dokumentala osatu dute Mondragon Unibertsitatean egindako Ikus-entzunezko Komunikazioko ikasketen gradu amaierako lan gisa. Filma asteburuan estreinatuko dute, eta hainbat saio lotu dituzte jada.
