EITB taldearen Guau plataformak Klaketa bideopodcasta estreinatu du. Gaizka Izagirre zinema eta telesail kritikariak gidatzen du saioa, eta euskal ikus-entzunezko lanak aztertuko dituzte bertan.
%70era arte irits daitekeen onura fiskala baliatuta, 168 ekoizpen filmatu dira Bizkaian 2024an, tokiko filmaketak erakarri, kudeatu eta laguntzeko zerbitzu publikoa den Bilbao Bizkaia Film Commission erakundearen arabera. Guztira, 43 iragarki, 7 argazki-saio, 16 film labur, 25 telebista-programa, 28 dokumental, 8 bideoklip eta 2 webserie filmatu ziren, 74 udalerritan.
Ekainaren 24az geroztik martxan den ZINEGOAK jaialdiak kanal berezia ireki du EiTBren ikus-entzunezko zerbitzuan. Ekoizpen euskal herritarra duten film eta telesailez gain, nazioarteko proiektuak ere bildu dituzte.
EAEko hiriburuan ikus-entzunezko proiektuak garatu eta ekoizteko zein gidoiak idazteko laguntzak emateko udal programaren deialdi publikoaren eta oinarri arautzaileen berri eman du Gasteizko Udalak. Ekainaren 12ra arte aurkez daitezke eskabideak.
Eusko Jaurlaritzak 2024ko ekitaldian ikus-entzunezko produkziorako dirulaguntzak emateko deialdia argitaratu du. 7.280.000€ banatuko dira, film luzeak, film laburrak eta serieak ekoizteko, aurreko ekitaldian baino 4,8 milioi euro gehiago.
Apirilaren 26an iritsiko da MAKUSI, haur eta gaztetxoentzako euskarazko unibertso digital berria. Haurrentzako euskarazko lehen plataforma digitalak adinaren arabera sailkatutako euskarazko marrazki bizidunak, telesailak, filmak… eskainiko ditu, www.makusi.eus webgunean, doan.
Eusko Jaurlaritzaren Kultura eta Hizkuntza Politikako sailburuak 2023. urtean ikus-entzunezkoen arloko proiektuak garatzeko dirulaguntzak emateko deialdia zabaldu du. 400.000 euro erabiliko dira guztira, eta eskabideak aurkezteko epea hilabetekoa izango da, ekainaren 1etik uztailaren 1era bitartekoa.
Fikziozko, animaziozko edota lan-dokumentalak zein telesailak ekoizteko, eta gidoiak idazteko diru-laguntzen deialdia argitaratu berri du Gasteizko Udalak. Apirilaren 26ra arte dago proiektuak aurkezteko epea zabalik.
Urte berriaren iritsierarekin hasi gara berri onak jasotzen. Euskaraz azpititulatutako bi telesail berri igo ditu NETFLIX plataformak bere eduki eskaintzara: Begirada lotsagabea (Olhar Indiscreto / Mirada indiscreta) eta Kaleidoskopioa (Kaleidoscope). Biak ala biak, katalanez eta galegoz ere ikus daitezke.
Donostia Zinemaldiak aurten aurrenekoz antolatu duen Financing & Tech sorkuntza-inbertsoreen biltzarrean parte hartu zuen Asier Altuna zinemagileak irailean, nazioarteko inbertitzaileen eta Espainiako ekoiztetxeen arteko topaketan. Bertan erakutsi zuen proiektuaren gidoia amaitu berritan, Ipar Euskal Herriko Gastibeltza ekoiztetxearekin elkarlanean garatzen ari den Karmele filmaz hitz egin zigun sortzaile bergararrak. Baina ez hori bakarrik, kontsumo-ohitura aldaketez ere mintzo izan zitzaigun: “Zinema aretoak abandonatuta daude, ez dago jenderik
