‘En la Calle’ dokumentala oinarri, proiekzioa eta solasaldia egingo dituzte Donostian. Donostian kale egoeran bizi diren edo egon diren gazte migranteen bizipenak lehen pertsonan kontatzen dituen dokumentalaren proiekzioa hartuko du gaur Egia auzoko Teila Fabrikak, Guztiontzat Egia auzo sarearen ekimenez. Ondoren, solasaldia egingo dute.
Balio Dute musika-kolektiboak antolatuta, Punkaren beste aldea dokumentalaren emanaldia egingo dute Egiako (Donostia) Teila Fabrikan. Igandean, otsailaren 18an, 18:30etik aurrera finkatu dute hitzordua.
Lege-esparrua eta jabetza intelektualeko eskubideak kudeatzeko aukerak ezagutu nahi dituzten musikari, arte eszenikoen eta ikus-entzunezkoen profesionalei zuzenduriko ‘JABETZA INTELEKTUALA: ARTE ESZENIKOETARAKO ETA IKUS-ENTZUNEZKOETARAKO MUSIKA’ izeneko ikastaroa antolatu du (H)emen Elkarteak, Ainara LeGardon musikariaren gidaritzapean. Urriaren 6an, Donostiako Egia auzoko Teila Fabrikan egingo dute.
Kulturaren zazpi ahots gazte bilduko dituen dokumentala ezagutzeko aukera egongo da gaur, ekainak 20, Teila Fabrikan. 18:30ean ekingo diote emanaldiari, eta proiektuan parte hartu duten hainbat kide izango dira bertan.
Lur Olaizola Lizarralde zinemagilea eta Harkaitz Martinez de San Vicente Oreka TX taldeko kidea izango dira Donostiako Bagera Elkarteak atonduriko BIKOGRAFIAK: BI IBILBIDE ELKARRIZKETAN ekimenaren hurrengo protagonistak. Elkarrizketa ekainaren 7an izango da, 18:00etan, Egia auzoko Teila Fabrikan.
