Memoria lotsagabea sorkuntza-lantegia. 10 parte hartzailek gehienez hamar minutuko iraupena izango duen film labur bat sortuko dute, Euskadiko Filmategiak utzitako artxiboko materialetik abiatuta. Besteak beste Aitor Gametxo eta Tamara Lucarini Cortés izango dituzte tutore.
Animazioa eta fikzioa jasoko ditu KIMUAK sortaren 2023ko katalogoak. Hautatu dituzten zazpi filmetako bat besterik ez da euskara hutsean egin; beste bat euskaraz eta frantsesez eta gainerakoak gaztelaniaz egin dira, horietako bik hindia eta bengaliera ere erabiltzen dute.
Bilboko Zinegoak – LGTBI+ Zinema eta Arte Eszenikoen jaialdiarekin elkarlanean, euskal film labur berrienen lagina izango da ikusgai Lekeition, martxoaren 4an, 19:00etan, Ikusgarri Aretoan. Proiekzioaz gain, Bilbotik zuzeneko konexioa egingo dute filmen egileekin solasteko.
