Espainiar estatuko sortzaile berrien ordezkari gisa, hiru emakume hautatu ditu aurten Iruñeko Punto de Vista dokumentalen jaialdiak X Films proiektuaren 11. edizioan: Tamara García Iglesias, Irati Gorostidi Agirretxe eta Elisa Celda Punto. Martxoan egingo duten festibalaren 15. edizioan beren proposamenak defendatuko dituzte, eta epaimahaiak haietako bati emango dio ikus-entzunezkoa garatzeko urtebeteko babesa.