2DEO – Euskarazko Ikus-entzunezkoen Laborategiaren ekimenez, kontsumo-testuinguru berrien eraginaz arituko dira maiatzaren 29an Tabakaleran egingo duten jardunaldian. Elena Neira, Aritz Cirbian, Izaskun Arandia eta Beñat Iturrioz izango dira profesional gonbidatuak.
Tabakalera – Kultura Garaikidearen Nazioarteko Zentroak zuzeneko mahai-ingurua eskainiko du maiatzaren 8an (ostirala) bere Vimeo katean. Maider Oleaga, Maider Fernandez eta Leire San Martin ariko dira hizketan 19:00etatik aurrera, eta filmen erreferenteak, zinema-genealogiak, proiektuak eta pasarte gustukoenak komentatuko dituzte. Saioa Lur Olaizolak gidatuko du, eta euskara hutsean izango da.
Tabakalera – Kultura Garaikidearen Nazioarteko Zentroak zuzeneko mahai-ingurua eskainiko du maiatzaren 1ean (ostirala) bere Vimeo katean. Marina Palacio, Mar Coll eta Amaia Serrulla ariko dira hizketan 19:00etatik aurrera, eta filmen erreferenteak, zinema-genealogiak, proiektuak eta pasarte gustukoenak komentatuko dituzte. Saioa Lur Olaizolak gidatuko du.
2019ko zinema independentearen izenburu gailena den O que arde lanaren grabaketa prozesuaren xehetasunak eta sekretuak ezagutzeko aukera duzue, Tabakalerak #TabakaleraEtxean traolaren bidez nabarmendutako saio honetan. Oliver Laxe filmaren zuzendariak gidatu zuen hitzordua.
Aparteko egun hauetarako gomendioa egin dute Aitor Arregi, Jon Garaño eta Joxe Mari Goenaga Moriarti Ekoiztetxeko zinemagileek. #TabakaleraEtxean ekimenaren baitan, Kontatutako Zinema zikloa abiatu zuen saioa ekarri dute gogora, eta ‘La trinchera infinita’ (2019) filmaren sekretuak ezagutzera gonbidatu dute publikoa.
Ba al dakizue Alice Guy izan zela, 1896. urtean, zinemaren historiako fikziozko lehen filmaren sortzailea? Hori eta zinema feministaren historia osatzen duten beste hainbat datu ezagutaraziko ditu Ingrid Guardiola irakasle, errealizadore eta kultura-ikertzaileak, #TabakaleraEtxean traolaren bidez, Donostiako zentroak zabaldutako hitzaldian.
#TabakaleraEtxean traolapean, Tabakalera – Kultura Garaikidearen Nazioarteko Zentroaren ekitaldiak zuzenean streaming bidez jarraitzeko aukera ematen hasi dira asteburuan. Zinema ere bada, nola ez, egitarau horren oinarri, eta Santos Zunzunegik komisariatzen duen ‘Zinemaren Historia’ fokua gomendatu du Lur Olaizola egitasmoaren koordinatzaileak.
