Heldu da euskal zinemaren garaia! Eihartzea kultur etxeak eta Ttattola gaztetxeak elkarlanean antolaturik, Hazparneko Zinegin festibalaren 8. edizioa ospatuko dute azaroaren 21etik 24ra. Filmen emanaldiaz gainera, sortze prozesuan sakonduko duten bi lantegi izango dira.
8 mm., Super-8, 9,5 mm., 16 mm. edo 35 mm. formatuetako pelikularik ba al duzu? Gustatuko al litzaizuke baldintza onenetan kontserbatu, eta, ahal den heinean, haiek hondatzea sahiestea? Euskal Herriarekin lotura duten aintzinako filmak galdegin ditu Euskadiko Filmategiak; trukean, telezineatutako edukia DVD batean edo disko gogor batean jasoko dituzte emaileek.
Udako atsedenaldiaren ostean, Nafarroako Filmotekak ikasturte berriari hasiera emango dio irailean, eta bertan ikusi ahal izango diren ziklo eta emanaldien berri argitu du. Buddahdeb Dasgupta zuzendari indiarraren lau film ikusteko aukera egongo da; zientziari eskainitako zikloaren bigarren proiekzio sorta prestatu dute; zinema dokumentalak bere tokia izango du; Iberoamerikako ekoizpen bat programatuko dute; eta sorpresaz betetako saio bereziek ere osatuko dute egitaraua. Emanaldiak 20:00etan izango dira.
Euskal Zine Bilerak, formatu analogikoan filmatutako filmen bilduma osatu nahian, Atzo8 proiektua jarri du martxan. Euskadiko Filmategiarekin elkarlanean, Lekeition edota lekeitiar batek Super8 kamerarekin filmatutako etxeko irudiak, bidaiak, antzerkiak, dantzak, kalejirak, jaiak… batu nahi dituzte antolatzaileek.
Lekeition egiten den Euskal Zine Bilera heltzeko hilabete gutxi falta direla, euskarazko zinema lantzen duen jaialdiak aurtengo 41. edizioak izango dituen berrikuntzen berri eman du. 40+1 lelopean, gaur egun ikus-entzunezko munduaren eta bertan egiten diren zinema jaialdi nahiz lehiaketen beharretara egokitu nahi izan du ekimenak.
Uztailaren 23tik abuztuaren 3ra Zineleku udalekuen bigarren edizioa egiten ari dira Gasteizen. Bartzelonako Crater Lab laborategiko lagunak ere bertan izan dira, Super 8 lantegia eskaintzen. Luz Roja kolektiboaren instalazioetan egin zuten saioa, eta haiekin izan ginen, ikastaroa jarraitzen. Pelikulak errebelatu eta proiektatu egin zituzten. Segidan duzue laburpen bideoa.
