Martxoko egitaraua bertan behera utzi behar izan zuten Bilboko Fas zineklubeko kideek, eta apirileko lehen asteak ere emanaldirik eskaini gabe igaro dituzte. Hala ere, aurrerantzean koronabirusaren pandemiak eragindako etenaldiari aurre egiteko prest azaldu dira, eta asteartero streaming bidez egingo dituzte saioak. Zineklubeko bazkideek posta bidez jasoko dituzte filma ikusi ahal izateko argibideak.
COVID-19aren agerpenak probokatutako larrialdi egoerak Hego Euskal Herriko zinema-aretoen jarduna eten du. Etxeko zein nazioarteko bainatzaileak egoerarekin kargutu, eta atzera egin dute filmak bide konbentzionaletik estreinatzearen erabakiarekin. Horietariko askok, egutegian atzera egin eta maiatza/ekainerako aldatu dituzte aurkezpenak. Beste batzuek, ordea, kanal berrietara egin dute salto. Bada, gaurtik aurrera streaming plataforma nagusietan ikusgai izango diren film berrien aukeraketa bat duzue ondorengoa: Hogar Javier Muñoz
