Martxoaren 17an, ostirala, hasi eta hilaren 31ra arte, balioetan oinarritutako hezkuntza, giza eskubideak, genero berdintasuna, espetxe politika, eta beste hainbat gai sozial aztergai dituzten arte eta ikus-entzunezko sormenak eskainiko dituzte Bilboko bost aretotan, hiriko udalaren ekimenez, Gizazinea zikloan. Filmen kasuan, iazko Zinebi jaialdian eskaini zituzten hainbat laburren emanaldiarekin abiatuko dute ekimena.