Euskal Herriko Arkitektoen Elkargo Ofizialaren (EHAEO) Bizkaiko Ordezkaritzak, ekainera arte 6 zinema-saio hartuko dituen ‘Emakumea, zinema eta hiria’ zinema-zikloa egingo dutela iragarri du. Emanaldiak hileko azken asteazkenetan izango dira, ordezkaritzako ekitaldi-aretoan, 19:00etan, eta sarrera librea izango da leku guztiak bete arte.
Donostiako Emakumeen Etxea Taldeak antolatuta, gaurtik asteazkenera bitartean, Sally Potter zuzendari ingelesaren hiru film eskainiko dituzte Donostiako Antzoki Zaharrean. Potterren Orlando, The tango lesson eta Yes filmez gain, Las buenas compañias (Nuria Casal eta Bertha Gaztelumendi), Etxeko epeletan (Agurtzane Intxaurraga) eta El aspirante (Alazne Etxeberria) film laburrekin osatu dute egitaraua. Sally Potter (Londres, 1949) dantzaria, koreografoa, abeslaria, konpositorea, hainbat musika taldeetako kidea, aktorea, editorea, argazki-zuzendaria,
