Luze eta oparo joango da Martxoa Kresala Zineklub donostiarren jarraitzaileentzat. Hilabeteko egitaraua aurkeztu berri du taldeak eta, urte hasierako indarrari eutsita, kalitatezko film arrakastatsuak izango dira ikusgai astearteko hitzorduetan.
Zinemaldia + Plus fokuan hamar film labur proiektatuko dituzte, Nest lehiaketaren 20 urteko ibilbidean parte hartu duten 300 film laburren artean hautatu dituztenak. Tabakalerako pantaila partekatuan egingo dituzte saioak, eta bosna film izango dira ikusgai urriaren 9an eta azaroaren 6an.
Bizkaian itxiko dute Mendi Tourren martxoko eskaintza, Otxandion (hilak 27) eta Zaldibarren (hilak 29) egingo diren saioekin. Dagoeneko 11 dira 2021ean burutu dituzten saioak, eta ia 5000 ikusle bildu dituzte horietan.
Tabakalerak, Elias Querejeta Zine Eskolaren laguntzarekin, Zinema eta Teknologia saio sortaren bigarren ekitaldia antolatu du asteburuan, martxoak 20, hasi eta ekainaren 12ra arte. Lantegi intentsiboko programa izango da, eta horietako bakoitzean parte hartzeko, modu independentean eman beharko da izena. Zinemaren inguruan lan egiten duten hainbat arlotako kolektiboak, Hirikilabseko Zinema eta Teknologia lantandeko partaideak, sortzaileak eta erabiltzaileak elkartzeko asmoa du ekimenak.
Hernaniko Potemkin Taldeak Udako Zinemaldia antolatuko du bosgarren urtez. Abuztuaren 5, 6 eta 7an egingo dituzte emanaldiak, herriko Atsegindegi plazan, eta hiru film izango dira ikusgai: Hrútar (2015), Mogari no mori (2007) eta Kovasikajuttu (2012).
Maiatzarekin batera egitarau berria estreinatu du Euskadiko Filmategiak. Ostegun honetan, hilak 5, abiaraziko dute Billy Wilder zuzendari austrohungariarrari eskainitako zikloa Double indemnity (Perdición, 1944) filmaren proiekzioarekin Tabakalerako egoitzan.
