Filmaren estreinaldiaren 50. urteurrena dela eta, Victor Erice zinemagile karrantzarraren El Espiritu De La Colmena (1973) filma izango da ikusgai, datorren ostiraletik -irailaren 1etik- aurrera Donostiako Trueba aretoan.
EZAE Euskadiko Zinema Aretoen Elkartearen eta Zineuskadi Elkartearen arteko lankidetzari, eta Eusko Jaurlaritzaren finantzaketari esker, euskal estreinaldiak 79 zinema aretotara iritsiko dira 2023an, bi euroko deskontuarekin. Besteak beste, My way out (Izaskun Arandia), 20.000 especies de abejas (Estibaliz Urresola), A los libros y las mujeres canto (Maria Elorza) eta Tetuán (Iratxe Fresneda) proiektuak babestuko ditu ekimenak.
Ekimena otsailaren 27tik maiatzaren 8ra bitartean gauzatuko dute, Donostiako Principe zinema aretoan. Zinemagile daniarraren filmak astelehenetan pantailaratuko dituzte, 19:30ean, jatorrizko bertsioan, espainierazko azpitituluekin.
Uztailaren 14tik irailaren 1era bitartean, SADEk “Arte Proiekzioak” izendatutako emanaldiak eskainiko ditu, Trueba aretoan. Sarrerek 7 euro balio dute, bazkide izanez gero, aldiz, 6 euro.
Principeko Klasikoak zikloa buelta da. Maiatzaren 9tik ekainaren 13ra bitartean, film bana pantailaratuko dute, astelehenero, 19:30ean. Emanaldiak jatorrizko bertsioan izango dira, espainierazko azpitituluekin. Sarrerak gaur bertan jarriko dituzte salgai.
SADE programatzaileak ohiko programazio eredua berrartuko du 2022an. Principe, Antiguo Berri eta Trueba aretoetan aurreikusita dauden ziklo iraunkorrez gain, datozen hilabeteetarako ziklo berezi batzuk itxi dituzte, baita kontzertuen proiekzioak eta hainbat gizarte-talderi eskainitako saioak ere.
Proserpa Film banatzailearen eskutik, Nouvelle Vague Frantziako olatu berriko partaideen lehenengo film laburrak egongo dira ikusgai ostegunero, Donostian. Gaur zikloaren hirugarren emanaldia egingo dute Trueba aretoan, 20:00etan, eta garaiko gizartearen erradiografia eskainiko dute erakutsiko dituzten lanek.
Maider Oleaga zinemagile bilbotarraren Kuartk Valley (2021) dokumentala Donostian eta Madrilen estreinatuko dute martxoaren 4an. Lanak emanaldi bana izango du egunero, Trueba aretoan; Cinetecan, aldiz, Kinka (2021) film laburrarekin batera pantailaratuko dute hilaren 6ra bitartean.
Proserpa Film banatzailearen eskutik, Nouvelle Vague Frantziako olatu berriko partaideen lehenengo film laburrak egongo dira ikusgai martxoan, Donostian. Ostegunero, Trueba aretoan egingo dituzte saioak, 20:00etan.
2022ko otsailaren 12an banatuko ditu Espainiako Zinemaren Akademiak 2021eko ekoizpen onenak nabarmentzeko Goya sariak, eta hitzordua aprobetxatuz, Hego Euskal Herriko hainbat zinema aretok 36. edizioan hautagaitza gehien dituzten bi film goratuenak berriz pantailaratuko dituzte.
