Ion de Sosa eta Aritz Moreno gipuzkoarren Mamántula zein Moscas fikziozko filmak erakutsiko dituzte Rotterdamgo Nazioarteko Jaialdiko 53. edizioan. Baita Elías Querejeta Zinema Eskolan garatutako bi proiektu ere.
Datorren ostegunean, hilaren 28an, Kimuak 2019 sorta osatzen duten film laburren lehen emanaldi publikoa egingo dute Donostiako Tabakaleran. 19:00etan hasiko da ekitaldia, eta filmen egileak izango dira bertan beren lanak aurkezten.
Tabakalerako zinema aretoak bat egingo du, bigarren urtez, Rotterdamgo Nazioarteko Zinema Jaialdiarekin. Urtarrilaren 26tik 28ra, IFFR Live ekimenaren baitan, jaialdian proiektatuko dituzten bost film zuzenean ikusteko aukera izango da Donostian. Horrez gain, proiekzioaren aurreko eta ondorengo saioak ere zuzenean jarraitzeko aukera egongo da.
