‘Hil Kanpaiak’, Imanol Rayo zuzendari nafarraren film berria, 68. Donostia Zinemaldiko Kutxabank-Zuzendari Berriak sailean lehiatuko da. Jaialdia heldu bitartean motorrak berotzen joateko, lehen irudiak aurkeztu berri dituzte.
Apirilaren 12an helduko da Hego Euskal Herriko zinema-aretoetara Fernando Bernuesek zuzendutako Soinujolearen Semea (2019). “Adiskidetasunari, traizioari eta indarkeriari buruzko istorio hunkigarria” dela aurreratu du zuzendariak.
Bart gauean Madrilgo Marriot Auditorium Hotelean banatu dituzte Espainiako Zinemaren Akademiaren Goya sariak, eta Jon Garañoren eta Aitor Arregiren Handia filmak hamar garaikur eskuratu ditu, tartean, jatorrizko gidoi, gizonezko aktore berri, jatorrizko musika, argazki eta efektu berezi onenen sariak. Film sarituena izan da!
