Pandemiari aurrez eginez, iaz ez bezala, modu presentzialean ospatu dute aurten Berlinale Nazioarteko Zinema Jaialdia. Carla Simón zinemagile kataluniarraren bigarren film luzea, Alcarràs, izan da Urrezko Hartza irabazi duen ekoizpena, eta Hong Sang-soo hegokorearraren So-seol-ga-ui yeong-hwa lanak jaso du epaimahaiaren sari nagusia. Zuzendari onena Claire Denis izendatu dute.
Osasun krisialdiak utzitako ‘normaltasun berrira’ egokituta, irailean ere tinko eutsiko dio Donostia Kulturak ekimen kulturalen programazioari. Haurrentzako eduki bereziz, antzerkiz, kontzertuz, erakusketez, ikastaroz eta, noski, ikus-entzunezkoez osatutako eskaintza oparoa atondu dute.
Tabakalera – Donostiako Kultura Garaikidearen Nazioarteko Zentroak gaur irekiko ditu berriz ere ateak. Koronabirusaren pandemiaren eraginez bertan behera utzi behar izan zuten jarduna martxoan, eta hiru hilabete igaro ostean, proiekzioak, hitzaldiak eta erakusketak berreskuratuko ditu. Zinema eskaintza ekainaren 17an jarriko dute martxan, eta udan zehar astero bi emanaldiz (asteazken eta larunbatetan) gozatzeko aukera izango dute herritarrek. Nosferatu (R.W. Fassbinder) zikloa berreskuratzeaz gain, Joanna Hoggi egindako
Datorren asteazkenean, urriaren 2an, hasiko da Tabakaleran NOSFERATU fokua. Rainer Werner Fassbinder zinegile alemaniarra izango du protagonista, eta bere film ezagunenetako baten proiekzioarekin abiatuko dute: Die Ehe der Maria Braun (1978).
Donostia Kulturak eta Euskadiko Filmategiak kudeatzen duten Nosferatu zikloaren eskutik, Rainer Werner Fassbinder errealizatzaile alemanari buruzko bi liburu, bata euskaraz eta bestea gaztelaniaz, aurkeztu dituzte 67. Donostia Zinemaldian. Zinemagileari eskainitako Nosferatu zikloa urriaren 2an hasiko da Tabakaleran.
Zinemaren iragana, oraina eta etorkizuna izango dira ikasturte berrian Kultura Garaikidearen Nazioarteko Zentroko zinema aretoan jorratuko diren gaiak. Urriaren 2an abiatuko dira emanaldiak, Euskadiko Filmategia, Donostia Kultura, Elias Kerejeta Zine Eskola, Donostia Zinemaldia eta Tabakalerako zinema taldeen eskutik.
