ALCINE – Alcala de Henaresko Zinema Jaialdian euskal ekoizpenek sari-sorta irabazi dute. David Perez Sañudo zinemagileak zuzendutako La colcha y la madre (2021) film laburrak gidoi onenaren saria eskuratu du, eta Koldo Almandoz eta María Elorzaren Quebrantos (2020) lanari aipamen berezia egin dio epaimahaiak. Europako Film Laburren Lehiaketako bigarren saria Mikel Gurrearen Heltzear (2021) filmarentzat zian da.
Zineuskadik ikusgarritasuna emango die Goya sarien lehian dauden euskal lanei. Hautagaitzen azken faseari bultzada emateko publizitate-kanpaina bat diseinatuko du, eta babestutako filmen emanaldi bereziak hitzartu ditu Espainiako Zinema Akademian, Madrilen.
KIMUAK katalogoaren parte izandako hainbat lan eskainiko ditu gaur Eusko Telebistak. 22:30tik aurrera izango dira ikusgai, ETB1en eta eitb.eus-en.
Etxepare Euskal Institutuak aditzera eman duenez, azken urteetan Kimuak katalogoaren parte izan diren 12 ikus-entzunezko proiektatuko dituzte Latinoamerikako zenbait hiriburuetan. Abuztuaren 5etik irailaren 2ra bitartean egingo dituzte proiekzioak, Buenos Airesen, Txileko Santiagon, Bogotan eta Liman.
2020ko Kimuak katalogoan hautatu zuten Koldo Almandoz eta Maria Elorzak osatutako Quebrantos laburra, eta ordutik, nazioarteko 40tik gora jaialditan hartu du parte eta Euskal Herriko dozena bat festibaletan. Abuztuan ere ez du etenik egingo, eta Txilen, Kolonbian, Brasilen, Katalunian eta Asturiasen izango da ikusgai.
Iragan asteburuan, ekainaren 25etik 27ra, luzatu da Requenako (Valentzia) film laburren VII. jaialdia, eta atzo iragarri zuten palmaresean hiru euskal proposamen ageri dira: Maria Elorza eta Koldo Almandozen Quebrantos (2020), Sail Ofizialeko sari nagusia eskuratuta; Marina Palacioren Ya no duermo (2020), zuzendari onenaren sariarekin; eta Lander Ibarretxeren Regina (2019), filmean argazki zuzendari lanak egin dituen Jorge Basterretxeak jaso baitu kategoria horretako garaikurra.
Korterraza Film Laburren Gasteizko Jaialdiaren XII. edizioa uztailaren 7tik 11ra egingo dute Iradier Arenan, eta bost ataletan banatuta, 46 proposamen eskainiko dituzte egitarauan. Horrez gain, lurraldeko plazetan barrena 37 geldialdi egingo ditu Korterraza Araba jaialdi ibiltariak irailera bitarte.
Emakumezko zinemagile nafarren arteko mahai-inguruarekin abiatu zuten joan zen ostiralean, ekainak 11, Zinemaren eta Emakumeen Nazioarteko Erakusketaren 35. ekitaldia Iruñean. Ordutik, hiru film luze proiektatu dituzte Golem zinemetan, eta mostra bihar itxi aurretik, beste bi luze eta bost labur izango dira ikusgai.
Datorren ekainaren 3tik 13ra ospatuko da Malagako Zinema Jaialdiaren 24. edizioa. Aste honetan eman dute antolatzaileek programazioaren berri eta, besteak beste, ezagutu dugu nabarmena izango dela euskal zinemagintzaren sektoreko profesional eta lanen parte-hartzea.
Zuzendaria: Maria Elorza & Koldo Almandoz Urtea: 2020 Herrialdea: Euskal Herria Iraupena: 8 min. Generoa: Dokumentala https://vimeo.com/468454106
