Zabalik da Gipuzkoa Foru Aldundiaren Kultura Departamentuaren Lanabesak deialdia. Gipuzkoan gauzatzen diren ikus-entzunezko proiektuak ekoiztu eta hedatzeko dirulaguntzak banatzea du xede, eta maiatzaren 2ra arte aurkeztu ahalko dira eskaerak.
Urteak daramatza Donostiako Intxaurrondo auzoan kokatutako Larrotxene kultur etxeak bideo alorreko formakuntza eskaintzen. Ikasturte osoan zehar luzatzen diren egile ikastaroen bidez, ikus-entzunezkoen sortze prozesuan trebatzeko aukera dute ikasle hasiberriek. Gidoia, errealizazioa, produkzioa eta muntaia bezalako ikastaro trinkoak eskaintzen dituzte sektoreko aurpegi ezagunek, besteak beste, Pablo Malok, Michel Gaztambidek, Jon Garañok, Jose Mari Goenagak eta Telmo Esnalek. Halaber, asko zentruko ikasle ere izan ziren beren hastapenetan.
Pablo Malo, Michel Gaztambide, Jorge Gil, Leire Apellaniz, Jose Mari Goenaga eta Izibene Oñederra, besteak beste, arduratuko dira 2015-2016 ikasturteko zinema aztergai duten ikastaroak eskaintzeaz. Donostiako Larrotxene Kultur Etxean egingo dituzte saioak, eta izena emateko epea irailaren 8an zabalduko dute.
