Euskarri eta plataforma digitaletan kontsumitzeko iraupen laburreko euskarazko fikzio-serieen produkzioa babestuko du EITB- Euskal Irrati Telebista Taldeak, abiatu berri duen ‘Formatu txikiak, talentu berriak’ deialdiaren bidez. Martxoaren 14an finkatu dute epemuga.
Martxoaren 8ko Emakume* Langileen Nazioarteko Egunaren harira Euskal emakume zinemagileen lanen bilduma ondu du Euskal Telebistaren PRIMERAN plataformak. Izen handiko zinemagileen filmografia osatuak, talentu berriagoen lanak, eta film luze zein labur berrienak aurki daitezke bertan.
Gaur hasi eta apirilaren 11ra bitartean ikusgai izango dira aurtengo bildumaren parte diren zortzi lanak. Hilabete honetan 25 herri baino gehiago bisitatuko ditu egitasmoak.
Martxoaren 7tik apirilaren 11ra bitartean ikusgai izango dira aurtengo bildumaren parte diren zortzi lanak. Aurrestreinaldia hilaren 6an egingo dute, 18:00etan hasita, Donostiako San Telmo Museoan.
Urtarrilaren 30az geroztik bildumatxoa ikusgai dago EiTBren doako streaming plataforman. Azken hamarkadetan esanguratsuenak izan diren filmak sartu dituzte.
Urtarrilaren 18tik aurrera, astero, Dragoi Bola telesailaren hamabi atal ipiniko dituzte Makusi plataforman. Iragarpena ospatzeko, EITBk lehen hamabi atalen maratoia egingo du egun horretan,16:00etatik 21:00etara, Bilboko egoitzan.
Euskal zinemaren oinarriak errotzeko asmoz, Antxon Ezeizak eta Luis Iriondok ‘Ikuska’ dokumental sorta ondu zuten 1979 eta 1984 urteen artean. Euskal Telebistaren Primeran plataforman ikus daitezke guztiak.
Fermin Muguruza musikagile eta zinemagileak zuzendutako animaziozko Black is Beltza II: Ainhoa (2022) film luzea gehitu du katalogora aste honetan Euskal Telebistaren PRIMERAN plataformak. FILMIN espainiarraren eskaintzan aurki daiteke ere.
Paul Urkijoren film epikoa estreinatuko du gaur Euskal Telebistaren PRIMERAN plataformak. Ikusle gehien bildu dituen euskal filmari banaturiko EZAE saria eskuratu du berriki.
Jon Garaño eta Jose Mari Goenagaren Loreak (2014) film gogoangarria eta Maurizia Aldeiturriaga pandero-jolearen figuran eta bizipenetan oinarritutako Aire! (2023) dokumentala estreinatuko ditu aste honetan Euskal Telebistaren PRIMERAN plataformak. Horiekin batera, Intimitatean eta ‘Ardibeltzak’ saioak eta ‘Autodefentsa’ telesaila ere gehituko ditu katalogora.
