Dale Al Play Elkarteak antolatua, urriaren 5ean egingo dute 2024ko edizioa. Parte-hartzaileak taldeka antolatu beharko dira, eta irailaren 16a baino lehen gauzatu beharko dute izen-ematea. Lanak euskaraz edota gaztelaniaz errodatuta egon behar dira.
Donostiako Itsaspeko Zinemaren Nazioarteko Zikloa hirugarrenez iritsiko da Bakiora, uztailaren 12an (asteazkena). 12 film labur proiektatuko dituzte, aire librean, Sabino Arana kalean. Saioari 22:00etan ekingo diote, eta sarrera doan da. Aldiz, MATER Ontzi Museo Ekoaktiboak antolatuta, Portugaleten, Getarian eta Mutrikun egingo dute geldialdi berezia.
Uniko ekoiztetxe bilbotarraren lanek animaziozko film luze eta labur onenen Goya sariak eskuratu berri dituzte, eta izandako arrakastak bultzatuta, Gasteizko Florida zineman eta Portugaleteko Dock Ballontin berrestreinatuko dituzte, besteak beste.
Azaroaren 11n, mendia eta abentura batzen dituen Mendi Tour mostra ibiltariko filmak ikusteko aukera egongo da Portugaleten, eta Euskal Herriko eta Kantabriako hainbat herritatik igaro ostean, Sopelan emango diote bukaera aurtengo saioei, hilaren 20an. 31 geltokitan 8 mila ikusle izan ditu urtarrilaz geroztik.
Osasun larrialdi alertak eragindako itxialdi-egoerara moldatu eta Portugaleteko Zinema Express jaialdiak edizio berezi bat iragarri du. Larunbatean (martxoak 21) hasita, parte-hartzaileek 48 ordu izango dituzte etxean grabatutako film laburrak aurkezteko. Jorratu beharreko gaia 09:00etan jakinaraziko dute.
Zazpi kideko taldeetan antolatuta eta hamar orduko epean, hiru minutuz azpiko film laburrak osatu beharko dituzte irailaren 21an Portugaleten egingo duten XI. Zinema Express jaialdian ariko diren haur, gazte zein helduek. Bertan parte hartzeko, dena den, izena eman beharko da aurrez jaialdiaren webgunean, eta horretarako epea irailaren 6an amaituko da.
Portugaleteko Zinema Express Jaialdiak hamargarren ekitaldia beteko du aurten, eta izena emateko deialdia ireki dute jada. Irailaren 3ra bitartean burutu ahal izango dituzte inskripzioak gehienez zazpi kidez osatutako taldeek. Jaialdian, nahi duten guztiek parte hartu ahal izango dute, antolatzaileek ez baitute inolako adin edota nazionalitate mugarik jarriko. Ekimena Dale Al Play Elkarteak antolatuko du beste behin.
