Zineuskadik ikusgarritasuna emango die Goya sarien lehian dauden euskal lanei. Hautagaitzen azken faseari bultzada emateko publizitate-kanpaina bat diseinatuko du, eta babestutako filmen emanaldi bereziak hitzartu ditu Espainiako Zinema Akademian, Madrilen.
Polvo somos (2020), Ya no duermo (2020) eta Nora (2021) filmen emanaldi berezi batekin ospatuko du Gariza Films ekoiztetxeak bere hamargarren urteurrena. Saioak Bilboko Golem zinema aretoan izango dira, eta ostean festa giroan elkartuko dira Viadefuga kafetegian. Bertaratu nahi dutenek asistentzia baieztatu beharko dute.
Donostia Zinemaldiaren zurrunbiloa pasata, film laburrei eskainitako astebeteko jaialdiak hartuko du Donostia urri hasieran, Donosskino festibalaren bosgarren ekitaldia egingo baitute hilaren 5etik 9ra. 23 dira bertan ikusgai eta lehian izango diren nazioarteko zein bertako ekoizpenak, tartean, Paul Urkijoren Dar-dar eta David P. Sañudoren La colcha y la madre ekoizpenak.
Malagako Zinema Jaialdiaren 24. edizioko garaile nagusia Agustí Villarongaren El ventre del mar ekoizpena izan bada ere, sei garaikur erdietsita, film laburren atalean, Marina Palacioren Ya no duerno, Pablo Hernandoren El ruido solar eta Estíbaliz Urresolaren Polvo somos euskal ekoizpenak nabarmendu dituzte.
Datorren ekainaren 3tik 13ra ospatuko da Malagako Zinema Jaialdiaren 24. edizioa. Aste honetan eman dute antolatzaileek programazioaren berri eta, besteak beste, ezagutu dugu nabarmena izango dela euskal zinemagintzaren sektoreko profesional eta lanen parte-hartzea.
David Pérez Sañudoren Ane filmak irabazi du joan zen astean Gasteizen ospatu zuten Euskal Zinemaren 37. Asteko garaikur nagusia, eta film horretan egindako lanagatik nabarmendu dute Patricia López Arnaiz aktorea Uno de los Nuestros sariarekin. Film labur onenaren aintzatespena, ordea, Estibaliz Urresolaren Polvo Somos lanarentzat izan da.
Otsailaren hondarretan, martxoko programazioa iragarri du Kresala Zineklubak ohi bezala, eta lehen lau asteetako filmen zerrenda helarazi dute, hilaren 30ekoa apirileko egitarauarekin batera jakinaraziko baitute. Proposamen ezberdin bezain interesgarriez gozatzeko aukera izango da beste behin ere, baita Estibaliz Urresolaren Polvo Somos laburraz ere.
Otsailaren 22an hasi eta 27ra bitarte, astelehenetik larunbatera, euskal zinemari eskainitako astea ospatuko dute Gasteizen Vital Fundazioaren eskutik. Bost film luze eta beste bost labur, azken horiek arabar zinemagileek zuzendutakoak, eskainiko dituzte 18:30ean hasita. Saio bakoitzerako sarrera bi euroan eskuratu ahal izango da, eta emanaldi guztietarako txartela, bederatzi euroan.
Covid19-ak baldintzatutako edizioa izan da ZINEBI Bilboko Dokumentalen eta Film Laburren Nazioarteko Jaialdiaren 62.ena, emanaldiak zuzenean zein streming bidez egin baitituzte, eta hain zuzen, palmaresa bera ere online egindako agerraldian jakinarazi duten Vanesa Fernandez Guerra ZINEBIren zuzendariak eta Rubén Corral programatzaileak. Irabazleen artean dira Estibaliz Urresolaren Polvo somos, Lur Olaizolaren Zerua blu eta Aitor Gametxoren Hemen. Gaur.Berriz lan euskaldunak.
Zailtasun eta muga guztien gainetik, gaur abiatuko dute ZINEBI- Bilboko Dokumentalen eta Film Laburren Nazioarteko Jaialdiaren 62. edizioa. Berritasun gisa iragarri dute formatu hibridoan, partez presentziala eta partez digitala, egingo dutela eta, halaber, film guztiek izango dituztela euskarazko azpitituluak.
