Europa Creativa Desk MEDIA Euskadik eta Tabakalera – Donostiako Kultura Garaikidearen Nazioarteko Zentroak antolatuta, garapenean dauden ikus-entzunezko proiektuei zuzendutako pitch-tailerra eskainiko dute, irailaren 6an eta 7an. Izen-ematea itxita dago jada.
Garapen fasean dauden film labur, luze edota telesailen proiektuek parte hartu dezakete (errodatzen hasi gabekoak) deialdian. Lanak aurkezteko azken eguna irailaren 24a da (23:59).
Ikus-entzunezko industria indartzeko asmoz lan egiten duen irabazi asmorik gabeko APIKA elkarteak antolatuta, proiektuen aurkezpen arrakastatsuak egiten ikasteko lan-saioa eskainiko du Pablo Paracuellos kazetariak eta aholkularitzan adituak, Gasteizko Gasteizko Europa Biltzar Jauregiko La Hechicera aretoan.
Urtea hasi berritan iragarri ditu Europa Creativa Desk MEDIA Euskadi bulegoak Tabakalerarekin lankidetzan prestatu dituen lehen tailerrak. 2023ko lehen seihilekoari dagokion eskaintza duzue honakoa, eta datak hurbildu ahala emango dute inskripziorako prozeduren berri.
70. Donostia Zinemaldiaren egitarauaren barruan, (H)emen elkarteak jardunaldi berezia izango du. Irailaren 19an, Espainiako estatuko eta nazioarteko ekoizleei aurkeztuko dizkiete aukeratutako lau proiektu finalistetako arduradunek beraien proiektuak.
La Rochelleko Sunny Side Of The Dock 2022 azokan parte hartu nahi duten proiektuek Basque Audiovisual katalogoaren babespean eman dezakete izena. Pitching saioetarako zein akreditazioak eskatzeko epea zabalik da.
IBAIA Ikus-entzunezkoen Euskal Ekoizle Burujabeen elkarteak Donostia Zinemaldiaren Industria atalean antolatzen duen Lau Haizetara Dokumentalen Koprodukzio Foroa astelehenean, irailak 20, abiatu zuten, eta lehen bi egunetako prestakuntza tailerren ondoren, gaur, irailak 22, egin dituzte Pitching saioak San Telmo Museoko ekitaldi aretoan. Arratsaldeko bakarkako bilerekin itxiko dute hiru eguneko programazioa.
Donostia Zinemaldian egiten duten Lau Haizetara Dokumentalen Koprodukzio Foroaren XVII. edizioaren datak zertxobait aurreratu dituzte, irailaren 20tik 22ra, astelehenetik asteazkenera. Era berean, proposamenak aurkezteko epea astebetez luzatu zuten, ekainaren 18tik 25era, baina deialdia itxita dago jada.
Koronabirusaren krisialdiaren ondorioz, ikus-entzunezko industriako profesionalei eskainitako Conecta Fiction topaketa bi fasetan egitea erabaki zuten antolatzaileek: ekainaren 15etik 19ra bitartean online bidez, eta irailaren 1etik 3ra modu presentzialean. Bada, Géraldine Gonard jardunaldien zuzendariak, Igancio Apezteguia Nafarroako Gobernuko Kultura zuzendari nagusiak, Izaskun Goñi Nafarroako Gobernuko Enpresa Politikaren, Nazioarteko Proiekzioaren eta Lanaren zuzendari nagusiak eta Javier Lacunza NICDO taldearen zuzendariak Iruñeko Baluarte kongresu-jauregian ospatuko duten bigarren fasearen
ZINEBI -Bilboko Dokumentalen eta Film Laburren Nazioarteko Jaialdiak 8 proiektu hautatu ditu ZINEBI Networking: dokumentalen sorgunea zine dokumentalaren bigarren foro profesionalean parte hartzeko (22 lan aurkeztu dira guztira). Azaroaren 11n eginngo dute pitching saio irekia, eta hilaren 15ean iragarriko dute irabazlea.
