Gaur, irailak 28, hasi eta igandera bitarte, iragan asteko Donostia Zinemaldian aurkeztu zituzten zazpi film eskainiko dituzte Bilboko Azkuna Zentroan. Besteak beste, Asier Altunaren Amama, Ben Sharrocken Pikadero eta Hirokazu Koreedaren Umimachi diary izango dira ikusgai.
Zortzi film luzek osatu dute aurtengo Zinemira saila, Sail Ofizialean euskal film bat ikusteko aukera izan dugu, beste bat Zuzendari Berriak atalean, hiru Culinary Zinema sailean, bat Made in Spain kategorian eta beste bi Sail Ofizialeko emanaldi berezietan. Kimuak katalogoko zazpi lanak ere proiektatu dituzte industriarentzako saio berezian, eta euskal zinemarekin lotutako dozena bat aurkezpen eta ekitaldi egin dituzte Kursaaleko Industry Club aretoetan.
Zuzendaria: Ben Sharrock Urtea: 2015 Herrialdea: Euskal Herria Anek (Barbara Goenaga) eta Gorkak (Joseba Usabiaga) gau batean ezagutu den bikote gaztea osatzen dute. 30 urte inguru dituzten arren, gurasoen etxean bizi dira, eta intimitate pixka bat lortzearren filmari izena ematen dion pikadero baten bila ari dira. Aki Kaurismaki edo Jacques Tatti bezalako zuzendarien eragina aitortu du Sharrockek. Ez da zaila antzekotasunak aurkitzea. Plano finkoak, tempo
https://vimeo.com/128863249 Ben Sharrock zinegile eskoziarrak zuzendu eta Irune Gurtubai elorriotarrak ekoitzitako Pikadero filma Zurich Film Festival jaialdiaren 11. edizioan parte hartzeko hautatua izan da, Nazioarteko Film Luzeak kategorian, beste hamalau lanekin batera.
Egin salto! Ikus-entzunezkoaren beste mapa bat zikloa aurkeztuko du Bilboko Azkuna Zentroak irail eta urri hasieran. Zirkuitu komertzialetik kanpo aritzen diren euskal zinegileen lanak erakustea du helburu, eta besteak beste, Koldo Almandoz, Maria Elorza eta Lander Camareroren lanak proiektatuko dituzte.
https://vimeo.com/128863249 Ben Sharrock zuzendariarekin ekoitzi duen Pikadero lehen film luzea 63. Donostia Zinemaldian aurkezteko hautatua izan da, Zuzendari Berriak sailean, eta Euskal Zinemaren Irizar saria eskuratzeko lehian ere ariko da. Irune Gurtubai (Elorrio, 1987) gaztearekin izan gara, bere ibilbideaz, jardunaz eta zinema-jaialdian aurkeztuko duten filmaz hizketan.
Madrilen egoitza duen Zinemaren Akademian irailaren 18tik 26ra luzatuko den 63. Donostia Zinemaldian proiektatuko dituzten film espainiarrak aurkeztu dituzte gaur. Guk euskal parte-hartzea dutenak ekarriko ditugu gurera. Ondorengoak:
