Aurkeztu dute Zinegoak – Bilboko Gaylesbitrans Zinema eta Arte Eszenikoen 17. Nazioarteko Jaialdiaren programazioa. Otsailaren 24tik martxoaren 8ra egingo dute, eta Ekai Lersundi gazte transexualaren bizitza jasotzen duen ‘Mi pequeño gran samurai’ lanaren proiekzioak emango dio hasiera.
Pepa San Martín zuzendari txiletarrak jasoko du aurten Zinegoak jaialdiko Ohorezko Saria. Zinegilearen zinema aitzindari eta konprometitua aldarrikatzeko asmoz, San Martínen lana gogorarazi nahi dute jaialdiko ordezkariek. Emakumeei dagokien espazioaren eta ikusgarritasunaren alde borrokatu du zuzendariak urte luzez. Otsailaren 24an, Bilboko Arriaga Antzokian egingo duten inaugurazio galan jasoko du San Martinek saria.
Zuzendaria: Pepa San Martin Urtea: 2016 Herrialdea: Txile Nerabezaroan dago Sara (Julia Lübbert), eta sentimendu ugari ditu, horietako asko, berriak. Aztoratuta dabil eskolan, etxean zein kalean, eta lasaitzeko orduan ez dio batere lagunduko gurasoek bere zaintza lortzeko daramaten borrokak. Izan ere, aita eta ama bananduta daude. Sara eta bere ahizpa amarekin eta honen bikotekidearekin bizi dira, hau ere emakumea. Aurreiritzien ondorioz, familia eredu homoparentalak ere
