‘Zinemagileen arteko elkarrizketak’ ikastaroa antolatu du Donostiako Koldo Mitxelena kulturuneak zinemazale eta zinema ikasleei zuzenduta. Icíar Bollaín, Lara Izagirre, Carla Simon, Rodrigo Sorogoyen eta Jonás Trueba izango dira saioak gidatuko dituzten zinemagintzako profesionalak.
Donostia Kulturak 2021-2022 ikasturterako ikastaroen eskaintza argitaratu berri du. 508 ikastaro izango dira orotara, eta ikus-entzunezko alorrari dagokionez, Intxaurrondo auzoko Larrotxene Kultur Etxean bederatzi egile ikastaro gauzatzeko aukera izango da, goi mailako euskal profesionalen eskutik. Izen-emate epea irailaren 6tik 26ra luzatuko da.
Nafarroako Zinema Dokumentalaren Nazioarteko jaialdiaren edizio berria martxoaren 15etik 20ra egingo dute, eta festibalaren hezkuntza programak soinuaren garrantzia izango du ardatz. Hala, haurrei zein helduei zuzendutako tailerrak eskainiko dituzte jaialdiko egoitza ezberdinetan, eta Susan Schupplik ikertzaile eta artistaren eta Andrew Bush paleoklimatologoaren hitzaldiez gozatzeko aukera izango da.
Hirugarrenez, Nazioarteko Zinema Mintegia egingo dute Donostiako Tabakalera Kultura Garaikidearen Zentroan. Post-Cosmos izena jasoko du ikastaroak, uztailaren 5etik 8ra bitartean egingo dute eta, aurreko edizioetan bezala, eragileak udan jasoko duen erakusketa izango du abiapuntu.
Beste urte batez, Donostia Kulturak ikus-entzunezko alor ezberdinak lantzeko ikastaroak eskainiko ditu ikasturte berrian. Urritik maiatzera arteko tailerrak, lau hileko zikloak zein autore ikastaroak izango dira, eta izena emateko epea irailaren 12an zabalduko dute.
