Beste urte batez, Generoa eta berdintasuna zinema zikloa egingo dute Iruñeko Civivox aretoan, eta emanaldiak maiatzaren 28ra arte luzatuko dira. Emakumeak protagonista dituzten eta genero parekidetasuna sustatzen duten lanak eskainiko dituzte bi astelehenean behin. Doako saioak izango dira, leku guztiak bete arte.
Les chevaliers blancs Joachim Lafosse belgikarraren lan berriak 2007an Chaden jazotako gertaera du oinarri. Filmean, baina, Move for Kids Gobernuz Kanpoko Erakundeko sei kide herrialde afrikarrera joango dira 300 umezurtz hartu eta Frantzian adopzio tramiteak abiatu dituzten bikoteei entregatzeko asmoz. Bidaia, baina, uste baino gehiago zailduko zaie, eta laguntza humanitarioaren inguruko mugen inguruan zalantza egingo dute. Vincent Lindon, Louise Bourgoin, Valérie Donzelli, Reda Kateb eta Yannick
