Donostia Zinemaldiaren bezperako ekimen garrantzitsua da Veneziako Biennale Nazioarteko Zinema Jaialdia, eta 74. edizioa abuztuaren 30etik irailaren 9ra luzatuko da. Cannesko eta Berlingo jaialdiekin batera, munduko zinema festibal entzutetsuena da Italiakoa, baita zaharrena da. Eta ohi bezala, zinemagintzaren industriako profesional nabarmenek zapalduko dute aurten ere ur gaineko hiri ezagunenaren alfonbra gorria.
Nazioartean arrakasta izan duten filmak biltzen dituen Perlak sailean Aronofsky, Baker, Guédiguian, Haneke, Koreeda, McDonagh, Ramsay eta Virzí zinegile ezagun eta sarituen filmak, besteak beste, ikusteko aukera izango da 65. Donostia Zinemaldian.
Zuzendaria: Paolo Virzi Urtea: 2016 Herrialdea: Italia Villabiondi psikiatrikoko bi emakumek, Beatricek (Valeria Bruni Tedeschi) eta Donatellak (Micaella Ramazzotti), zentrotik ihes egitea erabakiko dute. Pelikulak askatasunean igaroko dituzten orduetan biziko dituzten abenturak kontatuko ditu, eta haien bizitzan sakonduko du. Beatrice eta Donatella zeharo desberdinak dira; mutur batean kokatuko nuke bata, eta beste muturrean, bestea. Beatrice berritsua da, eta gizarte maila altuko herritar ahaltsutzat du bere
