CIMASUB – Itsaspeko Zinemaren Nazioarteko Zikloak Lasarte-Orian eta Zarautzen egingo ditu emanaldiak otsailean. Otsailaren 12, 19 eta 26an, Buruntzaldeako Manuel Lekuona Kultur Etxean egingo dituzte 16. Edizioaren emanaldiak, eta otsailaren 14, 19 eta 28an, berriz, Urola Kostako Modelo Zineman ospatuko dute 14. edizioa.
Tortura eta poliziaren esku-hartzea, osasun mentala eta zaintza gaiak jorratuko dituzte gaur abiatuko duten emaldi-sortan. Saioak 19:00etan izango dira, Gasteizko Orbain Kultur Elkartearen egoitzan.
Gipuzkoako Foru Aldundiko Kultura Departamentuak eta KMKk zinemagintzako ikasleentzat eta zinemazaleentzat diseinatutako Zinemagileen arteko Elkarrizketak programaren bi saio berri eskainiko dituzte otsailean, gaur lehena eta hilaren 27an bigarrena. Victor Iriarte, Carlos Muguiro, Elena Martin, Laura Ferres eta Javier Macipe izango dira profesional gonbidatuak.
Anatomie d’une chute (2023) film arrakastatsuaren emanaldiak zabalduko du otsaileko eskaintza Bilboko Fas Zineklubean. Ohi bezala, asteartetan finkatu dituzte hitzorduak, 19:45etik aurrera, Indautxuko El Carmen aretoan.
Zumaiako Ostarrena Zine Klubak gaur abiatuko du neguko hiruhilekoaren programazioa, Return to Dust / El regreso de las golondrinas (2022) filmaren proiekzioarekin. Beste bost film ikusteko aukera izango da, martxoaren amaierara bitartean.
Bilboko Azkuna Zentroko Zinematekak Jean-Luc Godarden (1930- 2022) obra berrikusiko du, bere lanik esperimentalenak pantailaratuz. Otsailaren 22an abiatuko da zikloa, (1967) filmaren emanaldiarekin.
When Harry Met Sally (Rob Reiner, 1989) eta Point Break (Kathryn Bigelow, 1991) filmak pantailaratuko dituzte otsailaren 11n, Donostiako Antzoki Zaharrean. Saioa 19:30ean hasiko dute, eta sarrerak online lor daitezke.
Aurki iritsiko den Martxoaren 3ko gertakarien efemeridearen atarian, memoria historikoa, salaketa eta aldarrikapena izango dira nagusi Gasteizko Orbain Elkarteak otsailerako atondu duen zinema-programazioan. Bihar, asteartea, emango diote hasiera, Apaiz Kartzela (2022) filmaren emanaldiarekin.
Arantza Santestebanen 918 GAU filma pantaila handian ikusteko aukera izango da bihar, asteartea, otsailaren 7an, Bilboko Golem Alhondiga aretoan. 20:30ean abiatuko da saioa eta, amaieran, zuzendaria eta Aitor Gametxo zinegilearen arteko solasaldia egingo dute.
Márta Mészáros zinemagile hungariarra izango da erakundeak otsailerako prestatu duen eskaintzaren protagonista. Zinemaren historiako maisulanak proposatuko dituzte, eta Nafarroan ekoiztutako proiektuek tartetxoa izango dute, ohi bezala.
