Koronabirusaren krisiak eraginda, programaren hamargarren urteurrenaren harira Argentinako euskal etxeetan egitekoak ziren saioak online formatura egokitu ditu Euskal Zinema Ibiltariak. Gaur egingo dute lehen saioa 20:30ean (Euskal Herriko 01:30ean) eta Jon Garañoren On the Line (2008) film laburra izango dute hizpide Euskaltzaleak taldearen Facebook atarian.
Aitorpen ekitaldia eskainiko dio Euskadiko Filmategiak Peio Aldazabali, filmategia beraren sortzaileari, datorren ostegunean, apirilaren 26an. Euskadiko Filmategiak 40 urte bete ditu aurten, eta Kimuak egitasmoak 20; efemeridearen harira antolatutako egitarau bereziaren baitan kokatuko da omenaldia.
Euskal Herrian zein zinemagile euskaldunek ekoiztutako pelikula eta film labur andana ikusi ahal izango da Nantesen, gaurtik hasita apirilaren 8ra arte. Festival du Cinema Espagnol jaialdiak 28. edizioa ospatuko du aurten eta, beste behin, Euskal Zinemagintzak ordezkaritza zabala izango du bertan.
