Jose Miguel Etxeberria Alvarez ‘Naparra’ KAAetako kidearen desagerpenari buruzko dokumentala herriko Kultur Etxean pantailaratuko dute, urtarrilaren 26an. Iñaki Alforja zuzendaria eta Eneko Etxeberria -Jose Miguelen anaia eta filmeko gidaria- bertan izango dira proiektua aurkezten.
Baigorriko Basaizea elkarteak antolatutako Kulturaldia ekimenaren baitan, musika, literatura, antzerki, dantza eta zinema saioak eskainiko dituzte, apirilaren 30eko Nafarroako Egunaren atarian. Ikus-entzunezkoei dagokienez, Azken dantza maisua (Mikel Alvarez Sarriegi, 2022) eta Bolante baten historia (Iñaki Alforja eta Iban Toledo, 2021) dokumentalak proposatuko dituzte, gaur eta bihar hurrenez hurren.
Almitza Sega Elkarteak eta ON Produkzioak ekoiztetxeak jarri dute martxan segalaritza ardatz duen proiektua, eta Aloña Jauregi zaldibiarra izango da zuzendaria. 10 euroko diru-ekarpenak eskatu dituzte, BIZUM bidez bidal daitezkeenak.
On Produkzioak ekoiztetxea eta Landarlan Ingurumen Elkarteak elkarlanean prestatutako Zure platerean hasten da mundua ikus-entzunezkoaren aurrestreinaldia egingo dute bihar, maiatzak 19, Hernanin. Orona eraikuntzan izango da emanaldia, 19:30ean, eta kontsumo elkarteak, kooperatibak, ekoizleak, sukaldariak, elkarte ekologistak eta beste hainbat gonbidatu elkartuko dira bertan.
Zure platerean hasten da mundua ikus-entzunezkoa prestatzen ari dira On Produkzioak ekoiztetxea eta Landarlan Ingurumen Elkartea. Lankidetzan martxan jarritako proiektu berri honek Euskal Herriko txoko ezberdinetako ekoizle eta baserritar txikiei protagonismoa eman nahi die, kontsumo ohituren inguruko hausnarketa proposatuz.
Basque Audiovisual itzalpean, beren azken dokumentalak aurkeztu dituzte hamabost euskal enpresek Arroxelako Sunny Side of the Doc jaialdian. Ekainaren 2tik 27ra ospatu berri dute.
Hilaren 14tik 25era Cannesko Nazioarteko Zinema Jaialdira begira izango dira zinemagintzaren eragile eta aktore nagusiak, eta mundu mailako proiekzioa izango dute bertatik pasako diren film eta proiektuak. Euskal zinemagintzaren ordezaritza bat ere han izango da, Marché du Film merkatuan.
Aralar, mundua leku den lurra izeneko dokumentala errodatu dute, mendilerroaren “aparteko balioa” ezagutarazi eta balioan jartzeko. Herriz herri aurkezten ari dira filma eta, besteak beste, Zaldibian, Arbizun, Alegian eta Irurtzunen izango dira datozen asteetan.
