Pello Mari Otaño bertsolari eta poetaren bizitza eta obra ardatz dituen Ombuaren itzala ikus-entzunezkoaren hainbat pasarte errodatu dituzte egunotan Zizurkilen. Hai zuzen, Zizurkilgo herriak bere bertsolaria agurtu zuen unea jaso dute iruditan.
Sail ofizialean parte hartuko duten 21 film laburrak ikusi ostean, hilaren 14an egingo duten sari-banaketa ekitaldian ezagutaraziko dituzte 2023ko lan irabazleak.
Euskal Zine Bileraren baitan (He)emen Gaude topaketa antolatuko dute bihar, azaroaren 27an. Saioa 12:00etan izango da, Lekeitioko Kultur Etxeko Azkue aretoan, eta online jarraitzeko aukera ere dago. EHUko ikerlaria eta Gastibeltzako kide den Graxi Irigay, Euskaltzaleen Topaguneko Joahana Olabarria eta Barton Filmseko María Jesús Diez Sota arituko dira hizketan, eta lanetan Olatz Beobide (H)emen elkarteko lehendakarikidea izango da moderatzailea.
Gaur, urtarrilaren 10ean, abiatuko dute Bilbon Emakume-On jaialdia. Ikus-entzunezkoen eremuan jarduten duten emakume sortzaileen lana ikustarazi eta gaiari buruzko gogoeta bultzatzea da aurten bigarrenez ospatuko duten ekimenaren xedea.
Lekeitioko Euskal Zine Bileraren 40. edizioan, (H)emen elkartearekin lankidetzan, emakumeek ikus-entzunezkoan duten presentzia aztertzeko mahai-ingurua egin zuten iragan larunbatean, urriak 21. Olatz Beobide aktore eta zuzendaria arduratu zen saioa gidatzeaz, eta solaskideak Aurora Iturrioz feminista eta Berdintasun Politiketan aditua, Jone Karras kazetari eta zinema zuzendaria, Iñaki Gomez Irusoin ekoizpen etxeko ekoizlea, Maitane Carballo soinu teknikari eta editorea, eta Iban del Campo zuzendaria eta MUko irakaslea
Ostiralean aurkeztu zuten ikus-entzunezko sektorean diharduten emakumeen ikusgarritasuna sustatu eta lan aukerak errazteko helburua duen (H)emen Her(E) proiektua. Horretarako, besteak beste, kontratatzaile eta hautagaien topaleku izango den emakumezko profesionalen datu base bat osatzen ari dira, hemen.me atarian. Aurkeztu aurretik ikusmin handia sortu du ekimenak, eta asko izan dira proiektura batu diren emakumeak. Ideiaren nondik norakoen berri izateko, Izaskun Arandia (H)emen Her(E) elkarteko presidentearekin izan gara.
Ekimena aurrera eramateko (H)emen kolektiboko kideek hemen.me ataria sortu dute. Proiektuaren aurkezpena ostiral honetan, martxoak 11, izango da, 11:00etan Donostiako Tabakaleran.
