Aguilar-Haraguchi Bilduma ezagutzeko aukera egongo da irailaren 14tik azaroaren 14ra bitartean, Okendo Kultur Etxean. Ekimena 34. Beldurrezko Astearen baitan prestatu dute, Euskadi Japonia 2023 jarduera-programaren barruan.
‘Carmen Castillo, txiletar erbesteratu bat’ erakusketa martxoaren 2tik maiatzaren 4ra bitartean egongo da ikusgai, Okendo Kultur Etxean. Dokumentalista eta idazlearen erbestealdia errepasatuko du mostrak; sortzaileak festibalaren aitortza berezia jasoko du 20. edizioko irekiera-ekitaldian.
Luis Gasca zenaren irudia omentzeko helburuarekin sortu duten Luis Gasca, komikia eta zinema erakusketa azaroaren 8ra arte egongo da ikusgai Donostiako Gros auzoko Okendo Kultur Etxean. Komikiaren eta sorkuntza grafikoaren arloko adituekin elkarrizketa formatuko hiru topaketa eginez borobilduko dute mostra.
2022-2023 ikasturterako prestakuntza-eskaintza aurkeztu berri du Donostia Kulturak. Guztira, 498 ikastaro zehaztu dituzte (462 helduentzat eta 36 haur eta gazteentzat), eta hiriko kultur etxeetan eta Liburutegi Nagusian emango dira. Matrikulazioa irailaren 12an hasiko da, eta hilaren 25era arte egongo da zabalik.
Tolosako Topic Museoak Donostiako Fantasiazko eta Beldurrezko Zinemaren Asterako “ad hoc” diseinatutako erakusketa aurkeztu berri dute: ‘Alegiazko izakiak’. Irailaren 25ean inauguratu da Okendo Kultur Etxean, eta irekita egongo da azaroaren 9ra arte.
