Celina Escher Salvadorreko zinegile feministak abortuaren auziaren inguruan sortutako Nuestra libertad (2021) pieza dokumentalaren emanaldi bira antolatu du Euskal Herriko Bilgune Feministak. Martxoaren 20tik 24ra bitartean, Donostian, Azpeitian, Arrasaten eta Gasteizen izango da ikusgai.
Munduan gertatzen diren eskubideen urraketak ikusarazteko asmoz, Hariak zinema jaialdia antolatu dute Hernanin (Gipuzkoa). Azaroaren 3tik 13ra bitartean ospatuko da, eta hamahiru proiekzio hartuko ditu bere gain.
Donostiako Giza Eskubideen Zinemaldiak ezagutzera eman du 19. edizioko palmaresa. Abortuaren kriminalizazioa hizpide duen Nuestra libertad/Fly So Far (Celina Escher, 2021) filmak irabazi du publikoak erabakitako film onenaren saria, eta Sarah Beddingtonek zuzendutako Fadia’s Tree (2021) errekonozitu du Amnesty Internationalek. Film labur onena Prescindibles (2021) izendatu du gazteriaren epaimahaiak.
