Argitara atera berri da Nosferatu Bildumaren ale berria, 19. zenbakia, El polar francés 1931-1982. Aurrekoak bezela, Donostia Kulturaren eta Euskadiko Filmategiaren arteko lankidetzaren emaitza da, Antonio Jose Navarrok koordinaturikoa, eta hurbilketa bat da polar deituriko Frantziako zinema beltzera.
Donostia Zinemaldia hizpide duen Colección Nosferatu bildumaren 18. alea aurkeztu dute gaur, Tabakaleran. Quim Casas zinema kritikariak koordinatu du liburua, eta Zinemaldia70 zikloaren baitako lehenengo argitalpena da. Bigarrena -Nosferatu Bildumaren 10. alea-, Katixa Agirrek idatziko du, eta 2022aren amaieran argitaratuko dute.
2022ko zinema eskaintzaren berri eman du Tabakalerak. Urtarrilaren 1etik abenduaren 31ra bitartean, pantaila publiko partekatuko erakundeek –Donostia Kultura, Donostia Zinemaldia, Euskadiko Filmategia, Elías Querejeta Zine Eskola eta Tabakalera– programatuko dituzten zikloak jakinarazi ditu. Urte berrirako zinema-bonua abenduaren 22tik aurrera egongo da salgai.
Donostia Kulturak eta Euskadiko Filmategiak elkarlanean antolatutako aurtengo Nosferatu zikloa Luis Buñuel zinemagile aragoiarrari eskaini diote, eta honi lotutako euskarazko argitalpena azaroaren 10ean aurkeztuko dute Tabakaleran. Harkaitz Canok idatzi du Kandelikara – Buñueli buruzko film baterako apunteak izeneko liburua.
