Gabi, 8 urtetik 13 urtera filma euskaraz estreinatuko dute azaroaren 25ean, Zineuskadik bultzatutako Zinema Euskaraz programaren baitan. Engeli Broberg zuzendariaren film suediarra da, eta ohiko gaia ez den nerabezaro aurreko etapan jarriko du fokua.
Giza Eskubideen Nazioarteko Eguna dela-eta, Errenterian jardunaldi bereziak antolatzen dabiltza azaroaz geroztik. Hala, Juanmi Gutierrez zuzendariaren eta giza eskubideen defendatzailearen lanak pantailaratu dituzte, eta gaur, haren omenezko ekintza artistikoa prestatu dute. 19:00etan Niessen gunean batzeko deia zabaldu dute Zazpi T’erdi kolektiboak, Herri Bizia udal komunikabideak, Errenteriako Udalak eta Zintzilik irratiak.
Errenteriako Film Laburren Jaialdiak 20. edizioa du aurtengoa, eta hilaren 12tik 15era, ostegunetik igandera, solasaldiak, film laburren emanaldiak, eta nola ez, sari banaketa ekitaldia egingo dituzte Niessen Zinemetan eta herriko beste hainbat aretotan. Sarrera doakoa izango da!
Koldo Mitxelenaren jaiotzaren mendeurrena dela eta, Errenteriako Udalak Euskadiko Filmategiarekin elkarlanean, Mitxelenarenak film eta hitzaldi zikloa antolatu du Niessen Kulturgunean. Atzo hasi eta azaroaren 4ra bitarte, Errenteriako zinema adituen eskutik, hiru pelikula eta bi film labur aurkeztuko dituzte. Atzoko, urriak 26, estreinaldian, Jose Luis Rebordinosekin batera, Ingmar Bergmanen Zazpigarren zigilua (1959) aztertzeko aukera izan zuten ikusleek.
